Apocalyps 16:7 - Bibl Koad 21: Ar Bibl e Brezhoneg evit ar Vretoned

⁷ Klevout a ris unan all eus kostez an aoter o lavarout: Ya, Aotrou Doue holl-c’halloudek, da varnedigezhioù a zo gwirion ha reizh.

Testamant Nevez 1897 (Jenkins)

⁷ Hag e kleviz unan all e tu an aoter, hag a lavare: Ia, Aotrou Doue Holl‐c’halloudec, gwirion ha just eo da varnedigezou.

Apocalyps 16:7 Referencias Cruzadas

Izaia 6:6

Met unan eus ar serafined a nijas etrezek ennon, gantañ en e zorn ur c'hlaouenn-dan en doa kemeret a-ziwar an aoter gant piñsetezioù.

Ezekiel 10:2

Hag e komzas ouzh an den gwisket gant lin o lavarout: Kae etre ar rodoù dindan ar cherubined, leugn da zaouarn a c'hlaou-bev a gemeri etre ar cherubined, hag e skuilhi anezho war gêr. Hag ez eas dirak va daoulagad.

Ezekiel 10:7

unan eus ar cherubined a astennas e zorn etre ar cherubined, war-zu an tan a oa etre ar cherubined; kemer a reas dioutañ hag en lakaas e daouarn an den gwisket gant lin. Hag hemañ en em dennas goude bezañ e zegemeret.

Apocalyps 1:8

Me eo an Alfa hag an Omega, ar penn-kentañ hag an diwezh, eme an Aotrou Doue, an hini a zo hag a oa hag a zeu, an Holl-C’halloudeg.

Apocalyps 13:10

Mar kas unan bennak e sklaverezh, e yelo e sklaverezh. Mar lazh unan bennak gant ar c’hleze, eo ret e vo lazhet gant ar c’hleze. Amañ emañ pasianted ha feiz ar sent.

Apocalyps 14:10

ec’h evo ivez gwin fulor Doue, gwin digemmesk kempennet e hanaf e gounnar, hag ec’h estrenvano en tan hag er soufr dirak an aeled santel ha dirak an Oan.

Apocalyps 14:18

Dont a reas kuit eus an aoter un ael all, en doa galloud war an tan, hag e krias gant ur vouezh uhel d’an hini en doa ar falc’h lemm, o lavarout: Taol da falc’h lemm ha dastum ar blokadoù rezin eus gwinienn an douar, rak ar rezin anezho a zo darev.

Apocalyps 19:2

rak e varnedigezhioù a zo gwirion ha reizh, rak barnet en deus ar c’hast vras a vreine an douar dre he loustoni, veñjet en deus gwad e servijerien he doa skuilhet gant he dorn.

Apocalyps 6:9

Pa zigoras ar pempvet siell, e welis dindan an aoter eneoù ar re a oa bet lakaet d’ar marv abalamour da c’her Doue hag abalamour d’an testeni o doa roet.