Apocalyps 16:1 - Bibl Koad 21: Ar Bibl e Brezhoneg evit ar Vretoned

¹ Klevout a ris ur vouezh kreñv a zeue eus an templ hag a lavaras d’ar seizh ael: It ha skuilhit war an douar an hanafoù eus kounnar Doue.

Testamant Nevez 1897 (Jenkins)

¹ Hag e kleviz eur vouez o tond euz an templ, hag a lavare d’ar seiz eal: It ha skullit var an douar ar scudellou euz a goler Doue.

Apocalyps 16:1 Referencias Cruzadas

Salmoù 79:6

Skuilh da fulor war ar broadoù n'anavezont ket ac'hanout, war ar rouantelezh n'aspedont ket da anv.

Jeremiaz 10:25

Skuilh da fulor war ar broadoù na'z anavezont ket, ha war an tiegezhioù na c'halvont ket da anv, rak lonket o deus Jakob, e lonket o deus, e guzumet o deus, ha gwastet o deus e chomlec'h.

Ezekiel 10:2

Hag e komzas ouzh an den gwisket gant lin o lavarout: Kae etre ar rodoù dindan ar cherubined, leugn da zaouarn a c'hlaou-bev a gemeri etre ar cherubined, hag e skuilhi anezho war gêr. Hag ez eas dirak va daoulagad.

Ezekiel 22:31

Setu perak em eus skuilhet warno va fulor, pulluc'het em eus anezho gant tan va c'hounnar, hag e lakain o hentoù war o fenn, eme an Aotrou AOTROU.

Sofonia 3:8

Setu perak, va gortozit, eme an AOTROU, d'an deiz ma savin evit an diwisk. Rak divizet em eus dastum ar broadoù, ha bodañ ar rouantelezhioù, evit skuilhañ warno va c'hounnar, holl dan va fulor, rak an douar holl a vo lonket dre dan va gwarizi.

Apocalyps 11:19

Templ Doue a zigoras en neñv hag arc’h e emglev en em ziskouezas en e dempl. Bez’ e voe luc’hed, mouezhioù, kurunoù, ur c’hren-douar hag ur grizilh bras.

Apocalyps 14:15

Un ael all a yeas kuit eus an templ, o krial gant ur vouezh kreñv d’an hini a oa azezet war ar goabrenn: Taol da falc’h ha med, an amzer da vediñ a zo deuet evidout rak eost an douar a zo darev.

Apocalyps 14:18

Dont a reas kuit eus an aoter un ael all, en doa galloud war an tan, hag e krias gant ur vouezh uhel d’an hini en doa ar falc’h lemm, o lavarout: Taol da falc’h lemm ha dastum ar blokadoù rezin eus gwinienn an douar, rak ar rezin anezho a zo darev.

Apocalyps 15:1

Gwelout a ris en neñv ur sin all bras ha souezhus: seizh ael a zalc’he ar seizh gouli diwezhañ, rak drezo eo kaset da benn kounnar Doue.

Apocalyps 16:17

Ar seizhvet ael a skuilhas e hanaf en aer. Ur vouezh kreñv a zeuas eus templ an neñv, eus an tron, o lavarout: Graet eo a gement-se!

1 Samuel 15:18

An AOTROU en doa da gaset en hent en ur lavarout: Kae ha laka da verz ar bec'herien-se, an Amalekited, gra brezel dezho betek ma ez po distrujet anezho.

1 Samuel 15:3

Kae bremañ, sko war Amalek, ha laka da verz ar pezh en deus, n'espern ket anezhañ, met laka d'ar marv ar wazed hag ar maouezed, ar vugale hag ar re a zen, an ejened hag an deñved, ar c'hañvaled hag an ezen.