Apocalyps 14:4 - Bibl Koad 21: Ar Bibl e Brezhoneg evit ar Vretoned

⁴ Ar re mañ eo ar re n’int ket en em saotret gant gwragez rak gwerc’h int. Ar re-mañ eo ar re a heuilh an Oan e lec’h bennak ma’z a. Ar re-mañ eo ar re a zo bet dasprenet a-douez an dud, evel frouezh kentañ evit Doue hag evit an Oan.

Testamant Nevez 1897 (Jenkins)

⁴ Ar re‐ze eo ar re n’int ket bet en em souillet gant merc’hed; rag gwerc’h int. Ar re‐ze eo ar re a heuil an Oan, pe leac’h‐benag ma’z a. Ar re‐ze eo ar re a zo bet prenet a‐douez an dud, evel ar c’henta‐frouez da Zoue ha d’an Oan;

Apocalyps 14:4 Referencias Cruzadas

Salmoù 45:14

Merc'h ar roue a zo karget a c'hloar e diabarzh ar palez, he dilhad a zo graet gant gwiadennoù aour;

Salmoù 74:2

Az pez soñj eus da vodadenn ac'h eus prenet gwechall, ac'h eus dasprenet evit bezañ meuriad da hêrezh. Az pez soñj eus Menez Sion e-lec'h ma ec'h eus graet da chomlec'h.

Kanenn ar C’hanennoù 1:3

Da frondoù o deus ur c'hwezh flour, da anv a zo evel ur frond skuilhet, setu perak o deus da garet ar merc'hed yaouank.

Kanenn ar C’hanennoù 6:8

Bez' ez eus tri-ugent rouanez, pevar-ugent serc'h ha merc'hed yaouank diniver,

Jeremiaz 2:3

Israel a oa un dra santel d'an AOTROU, bez' e oa frouezh kentañ e leve. An holl re a zebre dioutañ a oa kablus, an droug a gouezhe warno, eme an AOTROU.

Amoz 6:1

Gwalleur d'ar re a zo sioul e Sion ha d'ar re a zo e surentez war venez Samaria, lec'hioù kentañ e-touez ar broadoù. Ti Israel a zo deuet betek enno.

Mazhev 19:12

Rak bez’ ez eus eunuked a zo bet ganet evel-se a gof o mamm, reoù all a zo bet graet eunuked gant an dud, hag ez eus reoù all a zo en em rentet oc’h-unan eunuked abalamour da rouantelezh an neñvoù. Ra gompreno kement-mañ, an neb a c’hell kompren.

Mazhev 25:1

Neuze, rouantelezh an neñvoù a vo heñvel ouzh dek gwerc’hez a gemeras o lampoù ganto hag a yeas da ziaraogiñ ar pried.

Mazhev 8:19

Ur skrib a dostaas hag a lavaras dezhañ: Mestr, me a heulio ac’hanout e kement lec’h ma’z i.

Sant Ian 10:27

Va deñved a glev va mouezh, anavezout a ran anezho hag e teuont war va lerc’h.

Sant Ian 12:26

Mar servij unan bennak ac’hanon, ra zeuio war va lerc’h, hag e-lec’h ma’z on, eno e vo ivez va servijer. Mar servij unan bennak ac’hanon, an Tad a enoro anezhañ.

Sant Ian 13:37

Pêr a lavaras dezhañ: Aotrou, perak ne c’hellan ket da heuliañ bremañ? Me a rofe va buhez evidout.

Sant Ian 8:12

Neuze Jezuz a gomzas c’hoazh dezho hag a lavaras: Me eo sklêrijenn ar bed, an hini a heuilh ac’hanon ne gerzho ket en deñvalijenn, met bez’ en devo sklêrijenn ar vuhez.

Actou an Ebestel 20:28

Lakait eta evezh ouzhoc’h hoc’h-unan hag ouzh an holl dropell en deus ar Spered-Santel ho lakaet eskibien warnañ, da beuriñ Iliz Doue en deus prenet gant e wad e-unan.

1 Korintiz 16:15

Ho pediñ a ran, breudeur, anavezout a rit tiegezh Stefanaz, gouzout a rit ez int ar c’hentañ frouezh eus Akaia hag ez int en em roet da servij ar sent,

1 Korintiz 6:20

rak dasprenet oc’h bet gant ur priz bras. Roit eta gloar da Zoue en ho korf hag en ho spered, ar re a zo da Zoue.

1 Korintiz 7:28

Mar dimezez ne bec’hez ket, mar dimez ar werc’hez, ne be’ch ket. Met an dud-se o devo glac’haroù er c’hig ha fellout a rafe din o espern deoc’h.

2 Korintiz 11:2

Rak me a zo gwarizius ac’hanoc’h, gant ur warizi eus Doue, abalamour ma em eus unanet ac’hanoc’h da ur pried hepken, evit ho kinnig da Grist evel ur werc’hez c’hlan.

Efeziz 1:14

hag a zo un arrez eus hon hêrezh, evit dasprenadur ar re en deus perc’hennet da veuleudigezh e c’hloar.

Efeziz 5:27

evit he lakaat dirazañ evel an Iliz leun a c’hloar, hep saotr na roufenn na netra eus ar seurt-se, met santel ha divlam.

1 Timote 4:3

o tifenn dimeziñ hag o c’hourc’hemenn tremen hep boued krouet gant Doue evit bezañ kemeret en ur drugarekaat gant an dud feal hag ar re o deus anavezet ar wirionez.

Hebreed 12:23

ouzh bodadeg hag ouzh iliz ar re gentañ-ganet a zo skrivet o anvioù en neñvoù, ouzh ar barner a zo Doue an holl, ouzh speredoù ar re reizh deuet d’ar barfeted,

S. Jakes 1:18

Hor c’hrouet en deus hervez e volontez gant ger ar wirionez, evit ma vijemp evel ar c’hentañ frouezh eus e grouadurien.

1 Pêr 2:9

Met c’hwi a zo ur ouenn dibabet, ur velegiezh roueel, ur vroad santel, ur bobl bet prenet, evit embann vertuzioù an hini en deus ho kalvet eus an deñvalijenn d’e sklêrijenn vurzhudus,

Apocalyps 17:14

Stourm a raint a-enep an Oan hag an Oan o zrec’ho, abalamour ma’z eo Aotrou an aotrounez ha Roue ar rouaned, hag ar re a zo gantañ eo ar re c’halvet ar re zibabet hag ar re feal.

Apocalyps 21:22

Ne welis templ ebet enni, rak an Aotrou Doue holl-c’halloudek hag an Oan eo an templ anezhi.

Apocalyps 21:23

Ar gêr n’he deus ezhomm nag eus an heol nag eus al loar evit he sklêrijennañ, rak gloar Doue a sklêrijenn anezhi hag an Oan eo he goulaouenn.

Apocalyps 3:4

Bez’ ec’h eus koulskoude e Sardiz un nebeud tud n’o deus ket saotret o dilhad. Int a gerzho ganin e gwiskamantoù gwenn o vezañ ma’z int dellezek.

Apocalyps 5:9

Ur c’hantik nevez a ganent o lavarout: Dellezek out da gemer al levr ha da zigeriñ ar sielloù anezhañ, rak lakaet out bet d’ar marv hag ec’h eus hon dasprenet da Zoue dre da wad, a bep meuriad, a bep yezh, a bep pobl, a bep broad,