Amoz 4:4 - Bibl Koad 21: Ar Bibl e Brezhoneg evit ar Vretoned

⁴ Kit da Vetel ha pec'hit, da C'hilgal ha pec'hit muioc'h! Degasit hoc'h aberzhoù adalek ar mintin, ha ho teogoù bep tri deiz!

Amoz 4:4 Referencias Cruzadas

Ar Prezeger 11:9

Den yaouank, bez laouen ez oad tener, ha ra lakaio da galon ac'hanout eürus en deizioù da yaouankiz, ha kerzh evel ma kas da galon ac'hanout hag hervez sell da zaoulagad. Met gouez e vi derenet da varnedigezh gant Doue evit an holl draoù-se.

Ezekiel 20:39

Ha c'hwi, ti Israel, evel-henn e komz an Aotrou AOTROU: Kit, servijit pep hini e idoloù! Met goude-se e selaouot, ha ne zisakrot ken anv va santelez dre ho profoù ha dre hoc'h idoloù.

Ozea 12:11

Komzet em eus dre ar brofeded, liesaet gweledigezhioù ha kinniget parabolennoù dre zorn ar brofeded.

Ozea 4:15

Mar gastaouez, Israel, ra ne zeuio ket Juda da vezañ kablus. N'it ket da C'hilgal, na bignit ket da Vetaven, ha na douit ket: An AOTROU a zo bev!

Ozea 9:15

O holl zrougiezh a zo e Gilgal, eno eo em eus kasaet anezho. En abeg da fallentez o oberoù, me o c'haso kuit eus va zi, ne gendalc'hin ken d'o c'harout, o holl bennoù a zo dispac'herien.

Amoz 3:14

en deiz ma kastizin Israel evit e zisentidigezh. Me a gastizo aoterioù Betel, bruzunet e vo kernioù an aoter hag e kouezhint d'an douar.

Amoz 5:5

Na glaskit ket Betel, n'it ket da C'hilgal, na dremenit ket e Beer-Sheba, rak Gilgal a vo harluet ha Betel a vo kaset da netra.

Mazhev 23:32

Deuit da leuniañ eta muzul ho tadoù.

Mazhev 26:45

Neuze e teuas da gavout e ziskibien hag e lavaras dezho: Kouskit bremañ ha diskuizhit! Setu, an eur a zo tost ha Mab an den a zo droukroet etre daouarn ar bec’herien.

Sant Marc 14:41

Dont a reas evit an trede gwech hag a lavaras dezho: Kouskit bremañ ha diskuizhit! A-walc’h eo! An eur a zo deuet. Setu, Mab an den a zo droukroet etre daouarn ar bec’herien.

Sant Marc 5:5

Chom a rae dalc’hmat, noz ha deiz, war ar menezioù hag er bezioù, o krial hag oc’h en em vloñsañ gant mein.

Adlezenn 26:12

Pa ez po echu da zastum an holl zeog eus da leve d'an trede bloaz, bloaz an deog, e roi anezhañ d'al Leviad, d'an diavaeziad, d'an emzivad ha d'an intañvez, hag e tebrint e-barzh da zorojoù hag o devo o gwalc'h.