Amoz 3:6 - Bibl Koad 21: Ar Bibl e Brezhoneg evit ar Vretoned

⁶ Hag e sono ar shofar en ur gêr hep na vo spontet ar bobl? Hag e c'hoarvezo ur gwalleur en ur gêr hep n'en devo e c'hraet an AOTROU?

Amoz 3:6 Referencias Cruzadas

Geneliezh 50:20

C'hoant ho poa d'ober din droug ha Doue en deus cheñchet kement-se e mad, evit ober ar pezh a welit bremañ ha mirout drezon ar vuhez d'ur bobl vras.

2 Rouned 6:33

Evel ma komze c'hoazh, setu, ar c'hannad, o tiskenn d'e gavout, a lavaras: Setu, an droug-mañ a zeu a-berzh an AOTROU. Petra ken am eus da c'hortoz a-berzh an AOTROU?

Izaia 45:7

Me a stumm ar sklêrijenn, me a grou an deñvalijenn, me a ra an eurvad, me a grou ar gwalleur, me an AOTROU a ra kement-se.

Jeremiaz 10:7

Piv ne zoujfe ket ac'hanout, Roue ar broadoù? Kement-se a zo dleet dit, rak e-touez re furañ ar broadoù, hag en holl rouantelezhioù, den n'eo heñvel ouzhit.

Jeremiaz 4:19

Va c'hof! Va c’hof! Poan am eus en diabarzh va c'halon! Va c'halon a lamm, ne c'hellan ket tevel, rak o va ene, klevet ec'h eus son ar shofar, kri ar brezel.

Jeremiaz 4:5

Disklêriit e Juda hag embannit e Jeruzalem, sonit ar shofar er vro, youc'hit a vouezh kreñv, lavarit: En em zastumit hag eomp d'ar c'hêrioù kreñv!

Jeremiaz 5:22

Ha ne zoujot ket ac'hanon, eme an AOTROU, ha ne grenot ket dirazon? Me am eus lakaet an traezh evel harz d'ar mor, dre ur reolenn beurbadus na dremeno ket. E goummoù a fiñv met dic'halloud int, krozal a reont met ne dremenint ket dreist.

Jeremiaz 6:1

Mibien Benjamin, tec'hit eus kreiz Jeruzalem, sonit ar shofar e Tekoa, savit un arouez-tan e Bet-Hakerem, rak an droug a zeu eus an hanternoz hag un distruj bras.

Ezekiel 33:3

mar gwel hemañ ar c'hleze o tont war ar vro, mar son ar shofar evit aliañ an dud,

Ozea 5:8

Sonit ar shofar e Gibea, sonit an drompilh e Rama, laoskit kriadennoù e Betaven, emaomp war da lerc'h, Benjamin!

Amoz 3:5

Hag e kouezho al labous er roued d'an douar hep na vefe stegnet ur pech dezhañ? Hag e savo ar roued diwar an douar hep bezañ tapet un dra bennak?

Sofonia 1:16

un deiz a shofaroù hag a c'halv-diwall a-enep ar c'hêrioù kreñv hag an tourioù uhel.

Zakaria 8:10

Rak a-raok an deizioù-se ne oa gopr ebet evit an den, na gopr ebet evit al loen; hag evit ar re a yae hag a zeue ne oa peoc'h ebet en abeg d'an enebour, dre ma kasen an holl dud an eil a-enep egile.

Actou an Ebestel 2:23

an den-se, droukroet hervez ar mennad divizet ha ragouiziegezh Doue, kroget hoc’h eus ennañ, hag o vezañ e staget ouzh ar groaz dre zaouarn an dud fall, e lakaet hoc’h eus d’ar marv.

Actou an Ebestel 4:28

evit ober an holl draoù en deus da zorn ha da guzul merket a-raok da zleout bezañ graet.

2 Korintiz 5:11

Oc’h anavezout eta an doujañs a dleer d’an Aotrou, e kendrec’homp an dud. Doue a anavez ac’hanomp hag ec’h esperan ec’h anavezit ivez ac’hanomp en ho koustiañsoù.