Amoz 2:9 - Bibl Koad 21: Ar Bibl e Brezhoneg evit ar Vretoned

⁹ Koulskoude em eus distrujet an Amorean dirazo, ma oa e uhelder evel uhelder ar sedrez, hag e greñvder evel hini an derv; distrujet em eus e frouezh en nec'h hag e wrizioù en traoñ.

Amoz 2:9 Referencias Cruzadas

Geneliezh 15:16

D'ar bedervet lignez, e tistroint amañ, rak direizhder an Amoreaned n'eo ket c'hoazh leuniet.

1 Danevelloù 1:14

d'ar Jebuziz, d'an Amoreaned, d'ar C'hirgazianed,

Levr Job 18:16

En traoñ e sec'ho e wrizioù, en nec'h e vo troc'het e vrankoù.

Ermaeziadeg 3:8

Diskennet on evit o zennañ eus dorn an Ejipsianed hag evit o lakaat da vont eus ar vro-se etrezek ur vro vat ha ledan, ur vro a zever gant laezh ha mel, e-lec'h m'emañ o chom ar Gananeiz, an Hitited, an Amoreaned, ar Ferezianed, an Hevianed hag ar Jebuziz.

Ermaeziadeg 34:11

Laka evezh d'ar pezh a c'hourc'hemennan dit hiziv. Setu, ez an da gas kuit dirazout an Amoreaned, ar Gananeiz, an Hitited, ar Ferezianed, an Hevianed hag ar Jebuziz.

Izaia 10:33

Setu an Aotrou, AOTROU an armeoù, a ziskar ar brankoù gant nerzh; ar re vrasañ a vo torret, ar re uhelañ a vo izelaet.

Izaia 5:24

Dre-se, evel ma lonk an tan ar plouz, hag evel ma kuzum ar flamm ar geot sec'h, o gwrizienn a zeuio da vezañ evel breinadur, hag o bleunienn a yelo kuit evel poultr, rak taolet o deus kuit lezenn AOTROU an armeoù, ha disprizet o deus ger Sant Israel.

Ezekiel 17:9

Lavar: Evel-henn e komz an Aotrou AOTROU: Hag e raio berzh? An erer kentañ, ha ne ziframmo ket he gwrizioù, ha na droc'ho ket he frouezh evit ma tisec'hint? Holl zelioù e skourroù a zisec'ho, ha ne vo ket ezhomm eus ur vrec'h nerzhus nag eus kalz a dud evit he distagañ diouzh he gwrizioù.

Malaki 4:1

Rak setu e teu an deiz gwrezus evel ur forn; hag an holl re lorc'hus hag an holl re a ra an droug a vo evel plouz. An deiz-se a zo o tont hag o entano, eme AOTROU an armeoù, ha ne lezo ganto na gwrizienn na skourr.

Niveroù 32:13

Fulor an AOTROU en em danas a-enep Israel, hag e lakaas anezho da gantren er gouelec'h daou-ugent vloaz, betek ma voe kuzumet an holl rummad en doa graet ar pezh a oa fall dirak an AOTROU.

Adlezenn 1:28

Da belec'h emaomp o pignat? Hor breudeur o deus lakaet hor c'halonoù da deuziñ o lavarout: Ur bobl vrasoc'h hag a vent uheloc'h egedomp eo; ar c'hêrioù a zo bras ha mogeriet betek an neñv; gwelet hon eus eno mibien Anak.

Adlezenn 3:11

Og, roue Basan, a oa e-unan manet e dilerc'h ar Refaim. E wele a oa ur gwele houarn, ha n'emañ ket e Rabbad e-touez mibien Ammon? E hirder a zo nav ilinad, e ledander pevar ilinad, a ilinad den.

Jozue 10:12

Jozue a gomzas d'an AOTROU en deiz ma roas an AOTROU an Amoreaned da vibien Israel, hag e lavaras dirak daoulagad Israel: Heol, chom a-sav war Gabaon! Loar, war draonienn Ajalon!

Jozue 3:10

Jozue a lavaras: Dre gement-mañ e oueziot penaos emañ an Doue bev en ho touez, ha penaos e kaso kuit a-zirazoc'h ar Gananeiz, an Hitited, an Hevianed, ar Ferezianed, ar C'hirgazianed, an Amoreaned hag ar Jebuziz,