Amoz 2:7 - Bibl Koad 21: Ar Bibl e Brezhoneg evit ar Vretoned

⁷ Plijout a ra dezho gwelout war benn an ezhommeg poultr an douar, hag e kweont gwir an ezhommeg. Un den hag e dad a ya da gavout an hevelep plac'h evit disakrañ va anv santel.

Amoz 2:7 Referencias Cruzadas

2 Samuel 12:14

koulskoude, dre ma ec'h eus roet da enebourien an AOTROU lec'h da vallozhiñ gant an dra-se, ar mab a zo bet ganet dit a varvo a-dra-sur.

1 Rouaned 21:4

Akab a zistroas d'e di, glac'haret ha kounnaret gant ar gomz en doa lavaret dezhañ Nabod eus Jizreel, p'en doa respontet: Ne roin ket dit hêrezh va zadoù. Hag e c'hourvezas war e wele, e tistroas e zremm, ha ne zebras netra.

Krennlavarioù 28:21

N'eo ket mat sellout ouzh diavaez an dud, rak evit un tamm bara un den a rafe an droug.

Izaia 10:1

Gwalleur d'ar re a ra reolennoù drouk, hag a skriv evit urzhiañ an taerder,

Izaia 10:2

evit nac'hañ ar reizhder d'ar beorien, evit lemel o gwir digant re ezhommek va fobl, evit ober eus an intañvezed o freizh, evit skrapat an emzivaded!

Izaia 3:14

An AOTROU a zeuio da varn henaourien e bobl hag o friñsed, rak c'hwi eo hag o deus lonket ar winienn! Diwisk ar paour a zo en ho tiez.

Izaia 3:15

Pe dre wir e vac'hit va fobl hag e frikit dremm ar beorien? eme an Aotrou, AOTROU an armeoù.

Ezekiel 22:11

unan en deus graet euzhuster gant gwreg e nesañ, unan all en deus en em saotret gant e verc'h-kaer dre wadserc'h, unan all en deus gwallet e c'hoar, merc'h e dad, en da greiz,

Ezekiel 36:20

Pa'z int en em gavet e-touez ar broadoù ma oant aet en o c'hreiz, disakret o deus va anv santel, en doare ma veze lavaret diouto: Pobl an AOTROU eo, ha koulskoude ez int deuet er-maez eus e vro.

Ozea 4:14

Ne gastizin ket ho merc'hed dre ma c'hastaouont, nag ho merc'hed-kaer dre ma'z avoultront, rak ar wazed o-unan en em denn gant gisti hag a aberzhont gant ribodezed. Hag ar bobl, diboell, a gouezho.

Leviegezh 18:15

Ne zizoloi ket noazhder da verc’h-kaer, gwreg da vab eo, ne zizoloi ket he noazhder.

Leviegezh 18:21

Ne roi ket da vugale da vezañ lazhet evit Molok, ne zisakri ket anv da Zoue. Me eo an AOTROU.

Leviegezh 18:8

Ne zizoloi ket noazhder gwreg da dad, noazhder da dad eo.

Leviegezh 20:3

Me a lakaio va dremm a-enep an den-se, hag e lamin anezhañ a-douez e bobl abalamour m’en devo roet eus e vugale da Volok evit saotrañ va santual ha disakrañ va anv santel.

Amoz 4:1

Selaouit ar gomz-mañ, buoc'hed Basan, a zo war venez Samaria, a wask ar beorien, a wallgas an ezhommeien, a lavar d'o mestroù: Degasit hag evomp!

Amoz 5:11

Ha setu, dre ma hoc'h eus gwasket ar paour ha kemeret digantañ truaj an ed, savet hoc'h eus tiez e mein-ben met ne chomot ket enno, plantet hoc'h eus gwini dispar met n'evot ket o gwin.

Amoz 5:12

Rak gouzout a ran ho torfedoù niverus hag ho pec'hedoù bras. Gwaskañ a rit an den reizh, hag e tegemerit profoù, hag e torrit ouzh an nor gwir ar beorien.

Amoz 8:4

Selaouit kement-mañ, c'hwi hag a zebr ar paour, hag a laka da semplañ ezhommeien ar vro,

Mika 2:2

C'hoantaat a reont parkeier hag o c'hemeront, tiez hag o skrapont. Gwaskañ a reont an den hag e diegezh, an den hag e hêrezh.

Mika 2:9

Kas a rit kuit gwragez va fobl eus o ziez karet. Lemel a rit evit biken va gloar diwar-c'horre o bugale.

Sofonia 3:3

He renerien en he c'hreiz a zo leoned o yudal, he barnerien a zo bleizi an abardaez na lakaont netra a-du evit ar mintin.

Romaned 2:24

Rak anv Doue a zo mezhekaet e-touez ar baganed en abeg deoc’h, evel ma’z eo kement-se skrivet.

1 Korintiz 5:1

Klevout a reer lavarout a bep tu ez eus en ho touez gadaliezh, hag ur c’hadaliezh ken bras ma n’eo ket anvet zoken e-touez ar baganed. Evel-se unan ac’hanoc’h en deus kemeret gwreg e dad.