Amoz 2:13 - Bibl Koad 21: Ar Bibl e Brezhoneg evit ar Vretoned

¹³ Setu ez an da waskañ ac'hanoc'h, evel ma wask ur c'harr leun a vandos.

Amoz 2:13 Referencias Cruzadas

Geneliezh 37:7

Edomp oc'h endrammañ e-kreiz ar parkeier. Setu, va feskenn a savas hag en em zalc'has en e sav, ha neuze ho feskennoù a zeuas en-dro dezhi hag a stouas dirazi.

Levr Job 39:12

Ha fiziout a rez ennañ evit dastum da c'hreun, hag o berniañ war da leur?

Salmoù 78:40

Pet gwech ez int bet disentus outañ er gouelec'h, hag o deus glac'haret anezhañ en distro!

Izaia 1:14

Va ene a gasa ho loarioù nevez hag ho kouelioù, ur bec'h ez int evidon, skuizh on o padout ganto.

Izaia 43:24

Ne'c'h eus ket prenet din, evit arc'hant, korz-frondus, ne'c'h eus ket leuniet ac'hanon gant druzoni da aberzhoù, met va bec'hiet ec'h eus en abeg da'z pec'hedoù, va skuizhet ec'h eus gant da zireizhder.

Izaia 7:13

Hag Izaia a lavaras: Selaou, o ti David! Ha re nebeut eo evidoc'h skuizhañ an dud, ma skuizhit ivez va Doue?

Ezekiel 16:43

Dre na'c'h eus ket bet soñj eus amzer da yaouankiz, ha ma ec'h eus va fuloret gant an holl draoù-se, setu e lakain da hent da gouezhañ war da benn, eme an Aotrou AOTROU, ha n'ouzhpenni ken an drougiezh war da holl euzhusterioù.

Ezekiel 6:9

Ho re hag a vo en em dennet o devo soñj ac'hanon e-touez ar broadoù ma vint dalc'het enno, dre ma em bo rannet o c'halon avoultr a zo en em zistroet diouzhin, kenkoulz hag o daoulagad avoultr a zo aet war-lerc'h o idoloù. Heug o devo outo o-unan en abeg d'an droug o devo graet hag en abeg d'o holl euzhusterioù.

Malaki 2:17

Skuizhet hoc'h eus an AOTROU gant ho komzoù, hag e lavarit: E petra hon eus e skuizhet? Pa lavarit: Piv bennak a ra an droug a zo mat dirak daoulagad an AOTROU, hag ennañ eo e kemer plijadur; pe: Pelec'h emañ Doue ar reizhder?

Niveroù 7:3

Degas a rejont o frof dirak an AOTROU, c'hwec'h karr doareet evel leterioù ha daouzek ejen, ur c'harr evit daou briñs hag un ejen evit pep hini, hag e kinnigjont anezho dirak an tabernakl.