Adlezenn 9:13 - Bibl Koad 21: Ar Bibl e Brezhoneg evit ar Vretoned

¹³ An AOTROU a gomzas o lavarout: Sellet em eus ouzh ar bobl-mañ, ha setu, eo ur bobl a c'houzoug reut.

Adlezenn 9:13 Referencias Cruzadas

Geneliezh 11:5

An AOTROU a ziskennas da welout ar gêr hag an tour o doa savet mibien an dud.

Geneliezh 18:21

Fellout a ra din diskenn ha gwelout hag-eñ o deus graet e gwirionez hervez ar c'hri a zo deuet betek ennon; ha ma n'emañ ket evel-se, me en gouezo.

2 Rouned 17:14

Met n'o doa ket selaouet, ha reutaet o doa o gouzoug, evel m'o doa graet o zadoù, ha n'o doa ket kredet en AOTROU o Doue.

Salmoù 50:7

Selaou, va fobl, hag e komzin; testeniañ a rin a-enep dit, o Israel! Me eo Doue, da Zoue.

Jeremiaz 13:27

Da avoultriezh ha da c'hourriziadennoù, brasted da c'hastaouerezh war ar c'hrec'hiennoù ha war ar maezioù, da euzhusted, o gwelet em eus. Gwalleur dit, Jeruzalem! Betek pegoulz e vi dic'hlan?

Jeremiaz 7:11

An ti-mañ ma'z eo galvet va anv warnañ, ha n'eo ket d'ho taoulagad nemet ur c'havarn laeron? Ha setu, me a wel kement-se, eme an AOTROU.

Ozea 6:10

Gwelet em eus un dra euzhus e ti Israel: eno Efraim a zo en em roet d'ar gasterezh, Israel a zo en em saotret.

Malaki 3:5

Hag e tostain ouzhoc'h evit ar varnedigezh, hag ec'h hastin testeniañ a-enep ar sorserien, a-enep an avoultrerien, a-enep ar re a dou e gaou, ar re a zalc'h gopr al labourer, a wask an intañvez hag an emzivad, a noaz d'an diavaeziad, ha na zouj ket ac'hanon, eme AOTROU an armeoù.

Adlezenn 10:16

Amdroc'hit eta ho kalonoù ha na reudit ket ho kouzoug.

Adlezenn 31:27

rak anavezout a ran da zisentidigezh ha da c'houzoug reut. Setu, e-pad ma'z on c'hoazh hiziv bev ganeoc'h, ez oc'h disentus ouzh an AOTROU, pegement mui ne viot ket goude va marv!

Adlezenn 9:6

Gouez eta penaos n'eo ket en abeg da'z reizhder e ro dit an AOTROU da Zoue ar vro vat-se evit he ferc'hennañ, dre ma'z out ur bobl a c'houzoug reut.