Adlezenn 9:1 - Bibl Koad 21: Ar Bibl e Brezhoneg evit ar Vretoned

¹ Selaou, Israel! Emaout o vont da dremen hiziv ar Jordan evit trec'hiñ pobloù brasoc'h ha kreñvoc'h egedout, kêrioù bras ha mogeriet betek an neñv,

Adlezenn 9:1 Referencias Cruzadas

Geneliezh 11:4

Lavarout a rejont: Deuomp, savomp deomp ur gêr hag un tour a vo e benn en neñvoù, ha brudomp hon anv gant aon na vefemp stlabezet war-c'horre an douar holl.

Ermaeziadeg 32:1

Ar bobl, o welout penaos e talee Moizez da ziskenn diwar ar menez, en em zastumas da gavout Aaron hag a lavaras: Deus, gra deomp doueoù a gerzho a-raok deomp, rak ar Moizez-se, an den en deus hol lakaet da bignat eus an Ejipt, n'ouzomp ket ar pezh a zo c'hoarvezet gantañ.

Daniel 4:11

Ar wezenn-se a oa deuet da vezañ bras ha kreñv, hag he lein a stoke ouzh an neñvoù, hag e veze gwelet eus pennoù an douar holl.

Amoz 2:9

Koulskoude em eus distrujet an Amorean dirazo, ma oa e uhelder evel uhelder ar sedrez, hag e greñvder evel hini an derv; distrujet em eus e frouezh en nec'h hag e wrizioù en traoñ.

Niveroù 13:22

Pignat a rejont dre ar c'hreisteiz hag e teujont betek Hebron, e-lec'h ma oa Ahiman, Sheshai ha Talmai, mibien Anak. Hebron a oa bet savet seizh vloaz a-raok Zoan en Ejipt.

Niveroù 33:51

Komz da vibien Israel ha lavar: Pa ho po tremenet ar Jordan etrezek bro Ganaan,

Adlezenn 1:28

Da belec'h emaomp o pignat? Hor breudeur o deus lakaet hor c'halonoù da deuziñ o lavarout: Ur bobl vrasoc'h hag a vent uheloc'h egedomp eo; ar c'hêrioù a zo bras ha mogeriet betek an neñv; gwelet hon eus eno mibien Anak.

Adlezenn 11:23

an AOTROU a gaso kuit dirazoc'h an holl vroadoù-se, hag e teuiot da vestr war broadoù brasoc'h ha kreñvoc'h egedoc'h.

Adlezenn 11:31

Rak ez it da dremen ar Jordan, evit mont da berc'hennañ ar vro a ro deoc'h an AOTROU ho Toue. C'hwi a berc'henno anezhi heg a chomo enni.

Adlezenn 27:2

D'an deiz ma tremenot ar Jordan, evit mont d'ar vro a ro deoc'h an AOTROU ho Toue, e savi mein bras hag e lifri anezho gant raz.

Adlezenn 3:18

En amzer-se em eus roet urzhioù o lavarout: An AOTROU ho Toue en deus roet deoc'h ar vro-mañ evit he ferc'hennañ. C'hwi holl, tud kadarn, tremenit harnezet dirak ho preudeur, mibien Israel.

Adlezenn 4:1

Bremañ Israel, selaou ar reolennoù hag ar barnedigezhioù a gelennan deoc'h evit ober diouto, evit ma vevot ha ma'z eot da berc'hennañ ar vro a ro deoc'h an AOTROU, Doue ho tadoù.

Adlezenn 4:38

evit kas kuit a-zirazout broadoù brasoc'h ha nerzhusoc'h egedout, evit da lakaat da vont en o bro hag evit he reiñ dit da hêrezh, evel m'emañ hiziv.

Adlezenn 6:10

P'en devo da lakaet an AOTROU da Zoue da vont er vro en deus touet da'z tadoù, da Abraham, da Izaak, da Jakob reiñ dit, gant kêrioù bras ha mat na'c'h eus ket savet,

Adlezenn 7:1

P'en devo da lakaet an AOTROU da Zoue da vont er vro ma'z ez e-barzh d'he ferc'hennañ, ha p'en devo kaset kuit kalz a vroadoù azirazout, an Hitited, ar C'hirgazianed, an Amoreaned, ar Gananeiz, ar Ferezianed, an Hevianed, ar Jebuziz, seizh broad brasoc'h ha kreñvoc'h egedout,

Jozue 1:11

Tremenit e-barzh ar c'hamp ha roit urzhioù d'ar bobl o lavarout: Kempennit pourvezioù, rak a-benn tri devezh e tremenot ar Jordan-mañ, evit mont da berc'hennañ ar vro a ro deoc'h an AOTROU ho Toue da berc'hennañ.

Jozue 1:15

ken na roio diskuizh an AOTROU d'ho preudeur evel deoc'h, ha ken na berc'hennint int ivez ar vro emañ an AOTROU ho Toue o vont da reiñ dezho. Hag e tistroiot d'ar vro a zo deoc'h da berc'hennañ anezhi, an hini en deus roet deoc'h Moizez servijer an AOTROU en tu-mañ d'ar Jordan, war-zu ar sav-heol.

Jozue 14:12

Ro din eta ar menez en doa komzet an AOTROU diwar e benn en deiz-se, rak klevet ec'h eus en deiz-se edo an Anakim eno, gant kêrioù bras ha kreñv. Marteze e vo an AOTROU ganin hag e kasin anezho kuit, evel m'en deus lavaret an AOTROU .

Jozue 3:14

Ar bobl a yeas er-maez eus he zeltennoù evit tremen ar Jordan, hag an aberzhourien a zouge arc'h an emglev a gerzhe a-raok ar bobl.

Jozue 3:16

an doureier a ziskenne eus krec'h a chomas a-sav, en ur bern, pell bras, tost da gêr Adam a zo eus tu Zartan, hag a re a ziskenne war-zu mor ar blaenenn, Mor an Holen, a voe troc'het holl. Hag ar bobl a dremenas a-dal da Jeriko.

Jozue 3:6

Jozue a gomzas d'an aberzhourien o lavarout: Dougit arc'h an emglev ha tremenit a-raok ar bobl. Neuze e tougjont arc'h an emglev hag e kerzhjont dirak ar bobl.

Jozue 4:19

Ar bobl a bignas er-maez eus ar Jordan d'an dekvet deiz eus ar miz kentañ, hag e kampjont e Gilgal, e tu reter Jeriko.

Jozue 4:5

Jozue a lavaras dezho: Tremenit dirak arc'h an AOTROU ho Toue, e-kreiz ar Jordan, ha ra zougo pep hini ac'hanoc'h ur maen war e skoaz, hervez niver meuriadoù mibien Israel,