Adlezenn 2:7 - Bibl Koad 21: Ar Bibl e Brezhoneg evit ar Vretoned

⁷ Rak an AOTROU da Zoue en deus da venniget e kement a ri gant da zaouarn. Anavezet en deus da gerzhadeg dre ar gouelec'h bras-mañ. An AOTROU da Zoue a zo bet ganit e-pad an daou-ugent vloaz-se, ha netra n'en deus graet diouer dit.

Adlezenn 2:7 Referencias Cruzadas

Geneliezh 12:2

Me a lakaio ac'hanout da zont da vezañ ur vroad vras, me a vennigo ac'hanout, me a rento da anv bras. Hag e vi ur vennozh.

Geneliezh 24:35

An AOTROU en deus benniget-meurbet va mestr, hag eo deuet da vezañ bras. Roet en deus dezhañ deñved hag ejened, arc'hant hag aour, mevelien ha mitizhien, kañvaled hag ezen.

Geneliezh 26:12

Izaak a hadas en douar-se, hag e tastumas er bloaz-se kant kemend-all rak an AOTROU e vennigas.

Geneliezh 30:27

Laban a lavaras: Ra gavin trugarez dirak da zaoulagad, rak anavezet em eus penaos en deus va benniget an AOTROU abalamour dit,

Geneliezh 39:3

E vestr a welas penaos e oa an AOTROU gantañ ha penaos e lakae an AOTROU da ober berzh dre e zaouarn kement a rae.

Geneliezh 39:5

Abaoe ma en doa e lakaet da vestr war e di ha war gement en doa, an AOTROU a vennigas ti an Ejipsian abalamour da Jozef. Ha bennozh an AOTROU a voe war gement en doa en ti hag er parkeier.

Nehemia 9:21

E-pad daou-ugent vloaz ec'h eus pourvezet d'o ezhommoù er gouelec'h, hep ma vankfe netra dezho, o dilhadoù n'ejont ket da fall, o zreid ne goeñvjont ket.

Levr Job 23:10

Anavezout a ra an hent am eus heuliet, ra amprouo ac'hanon, hag e teuin er-maez evel aour.

Salmoù 1:6

rak an AOTROU a anavez hent ar re reizh, met hent ar re zrouk a yelo da goll.

Salmoù 107:4

Kantren a raent er gouelec'h, en un hent digenvez, ha ne gavent ket ur gêr da chom enni.

Salmoù 31:7

Kasaat a ran ar re en em ro d'ar fougeoù touellus. Evidon-me, lakaat a ran va fiziañs en AOTROU.

Salmoù 90:17

Ra vo madelezh an AOTROU hon Doue warnomp! Starta oberenn hon daouarn, ya, starta oberenn hon daouarn.

Ermaeziadeg 16:35

Mibien Israel a zebras ar mann e-pad daou-ugent vloaz, betek ma voent deuet da ur vro a c'helled chom enni. Debriñ a rejont ar mann betek ma voent deuet da harzoù bro Ganaan.

Jeremiaz 2:2

Kae ha youc'h ouzh divskouarn Jeruzalem, o lavarout: Evel-henn e komz an AOTROU: Soñj am eus ac'hanout, eus hegarated da yaouankiz, eus karantez da zimeziñ, pa zeues war va lerc'h er gouelec'h, en un douar na veze ket hadet.

Ozea 13:5

Da anavezet em eus er gouelec'h, en un douar kras.

Amoz 2:10

Ho lakaet em eus ivez da bignat eus bro Ejipt, hag ho renet em eus daou-ugent vloaz er gouelec'h evit perc'hennañ bro an Amoreaned.

Niveroù 1:1

An AOTROU a gomzas da Voizez e gouelec'h Sinai, e teltenn an engalv, d'an deiz kentañ eus an eil miz, en eil bloaz goude ma oant aet kuit eus bro Ejipt, o lavarout:

Niveroù 14:33

Ho mibien a yelo o peuriñ er gouelec'h e-pad daou-ugent vloaz, hag e tougint ho kasterezh, betek ma vo ho korfoù kuzumet er gouelec'h.

Niveroù 14:34

Hervez niver an deizioù hoc'h eus spiet ar vro, daou-ugent deiz, e tougot poan ho tireizhder e-pad daou-ugent vloaz, ur bloaz evit pep devezh, hag e ouiot petra eo bezañ dioueret ac'hanon.

Niveroù 22:12

Doue a lavaras da Valaam: N'i ket ganto, ne villigi ket ar bobl-mañ rak benniget eo.

Niveroù 32:13

Fulor an AOTROU en em danas a-enep Israel, hag e lakaas anezho da gantren er gouelec'h daou-ugent vloaz, betek ma voe kuzumet an holl rummad en doa graet ar pezh a oa fall dirak an AOTROU.

Sant Lucas 22:35

Lavarout a reas dezho: Pa em eus ho kaset hep yalc’h, hep sac’h hag hep botoù, daoust hag un dra bennak a zo bet manket deoc’h? Int a lavaras: Netra.

Sant Ian 10:27

Va deñved a glev va mouezh, anavezout a ran anezho hag e teuont war va lerc’h.

Adlezenn 1:19

Aet omp kuit eus Horeb ha kerzhet hon eus dre holl er gouelec'h bras hag euzhus-se, war-zu menez an Amoreaned, evel m'en doa gourc'hemennet an AOTROU hon Doue deomp, ha deuet omp betek Kadesh-Barnea.

Adlezenn 1:46

Chomet oc'h e Kadesh kalz a zeizioù, keit ha ma chomjoc'h eno.

Adlezenn 2:14

An amzer ma'z omp bet o kerzhout eus Kadesh-Barnea betek tremen froud Sered a zo bet eizh vloaz ha tregont, betek ma voe kuzumet holl rummad an dud a vrezel a-greiz ar c'hamp, evel m'en doa touet an AOTROU dezho.

Adlezenn 2:6

Prenañ a reot diganto evit arc'hant ar boued a zebrot, ha prenañ a reot ivez diganto evit arc'hant an dour a evot.

Adlezenn 29:4

Met an AOTROU n'en deus ket roet deoc'h ur galon evit kompren, na daoulagad evit gwelout, na divskouarn evit klevout, betek hiziv.

Adlezenn 29:5

Da renet em eus daou-ugent vloaz er gouelec'h, da zilhad ne voent ket uzet warnout ha da votoù ne voent ket uzet war da dreid,

Jozue 5:6

Mibien Israel o doa kerzhet er gouelec'h e-pad daou-ugent vloaz, ken na voe aet da get an holl bobl tud a vrezel a oa deuet er-maez eus an Ejipt ha n'o doa ket selaouet ouzh mouezh an AOTROU . An AOTROU en doa touet dezho n'o lezje ket da welout ar vro a douas an AOTROU reiñ deomp, ur vro a zever gant laezh ha mel.