Adlezenn 11:27 - Bibl Koad 21: Ar Bibl e Brezhoneg evit ar Vretoned

²⁷ ar vennozh mar sentit ouzh gourc'hemennoù an AOTROU ho Toue, a gemennan deoc'h hiziv,

Adlezenn 11:27 Referencias Cruzadas

Salmoù 19:11

Muioc'h c'hoantek int eget an aour, eget aour fin e-leizh, dousoc'h int eget ar mel, eget an hini a zeu eus an terennoù.

Izaia 1:19

Mar fell deoc'h sentiñ a-youl-vat, e tebrot an traoù gwellañ eus ar vro,

Izaia 3:10

Lavarit: Eürus ar re reizh! Dre ma tebrint frouezh o oberoù.

Jeremiaz 11:4

am eus gourc'hemennet d'ho tadoù en deiz ma em eus tennet anezho eus bro Ejipt, eus ar forn houarn, o lavarout: Selaouit ouzh va mouezh ha grit an holl draoù am eus gourc'hemennet deoc'h, hag e viot va fobl, hag e vin ho Toue;

Sant Lucas 11:28

Met eñ a lavaras: Nann, eürus eo kentoc’h ar re a selaou ger Doue hag a sent outañ!

Sant Ian 13:17

Mar gouzoc’h an traoù-se, ez oc’h eürus, gant ma sentot outo.

Romaned 2:7

ar vuhez peurbadus d’ar re a gendalc’h en oberoù mat, a glask ar gloar, an enor hag an divreinadurezh,

S. Jakes 1:25

Met an hini en devo sellet ouzh al lezenn beurvat, lezenn ar frankiz, hag en devo kendalc’het hep bezañ ur selaouer ankounac’haus met o vezañ un oberour eus al labour, hennezh a vo benniget er pezh en devo graet.

Apocalyps 22:14

Eürus ar re a vir e c’hourc’hemennoù, evit m’o devo lod er wezenn a vuhez hag e c’hellint mont e-barzh kêr dre an dorojoù.