Adlezenn 11:17 - Bibl Koad 21: Ar Bibl e Brezhoneg evit ar Vretoned

¹⁷ Fulor an AOTROU en em danfe a-enep deoc'h, hag e serrfe an neñvoù, ne vefe ket glav, an douar ne rofe ket e frouezh, hag e varvfec'h buan a-ziwar ar vro vat a ro deoc'h an AOTROU.

Adlezenn 11:17 Referencias Cruzadas

1 Rouaned 17:1

Elia an Tishbiad, unan eus annezidi Galaad, a lavaras da Akab: Bev eo an AOTROU Doue Israel, en em zalc'han dirazañ! E-pad ar bloavezhioù-mañ ne vo na glizhenn na glav, nemet da'm c'homz.

1 Rouaned 8:35

Pa vo serret an neñvoù ha ne vo ket a c'hlav, evit bezañ pec'het a-enep dit, mar pedont ac'hanout el lec'h-mañ, mar roont gloar da'z anv, mar distroont diouzh o fec'hedoù dre ma ez po kastizet anezho,

2 Danevelloù 6:26

Pa vo serret an neñvoù ha ne vo ket a c'hlav, evit bezañ pec'het a-enep dit, mar pedont ac'hanout el lec'h-mañ, mar roont gloar da'z anv, mar distroont diouzh o fec'hedoù dre ma ez po kastizet anezho,

2 Danevelloù 7:13

Pa serrin an neñvoù ha ne vo ket a c'hlav, pa c'hourc'hemennin d'ar c'hilheien-raden debriñ ar vro, pa gasin ar vosenn e-touez va fobl,

Levr Job 12:15

Setu e harz ouzh an doureier hag e tisec'hont, ha ma laosk anezho ec'h eilpennont an douar.

Leviegezh 26:19

hag e frikin ourgouilh ho kalloud. Lakaat a rin ho neñv evel houarn hag ho touar evel arem.

Leviegezh 26:20

Ho nerzh a faezho en aner, an douar ne roio ket e genderc’h ha gwez ar parkeier ne roio ket o frouezh.

Amoz 4:7

Dinac'het em eus ivez ar glav ouzhoc'h pa chome c'hoazh tri miz betek an eost. Lakaet em eus da c’hlavañ war ur gêr, ha ne'm eus ket lakaet da c’hlavañ war ur gêr all; ur park en deus bet glav, hag ur park all n'en deus ket bet glav hag en deus disec'het.

Adlezenn 31:20

Dre ma renin anezho er vro am eus touet d'o zadoù, ur vro a zever gant laezh ha mel, hag e tebrint hag o devo o gwalc'h hag e vint lart. Neuze en em zistroint war-zu doueoù all, hag e servijint anezho, hag e tisprizint ac'hanon, hag e torrint va emglev.

Adlezenn 4:26

e kemeran an neñvoù hag an douar da dest en hoc'h enep, penaos e viot distrujet buan a-ziwar c'horre ar vro emaoc'h o vont da berc'hennañ en tu all d'ar Jordan, ne hiraiot ket ho teizioù eno, met mont a reot prim da goll.

Adlezenn 6:15

rak an AOTROU da Zoue a zo ez kreiz un Doue gwarizius. Fulor an AOTROU da Zoue en em danfe a-enep dit, hag e lamfe ac'hanout a-ziwar an douar.

Adlezenn 9:19

Spontet e voen dirak ar gounnar hag ar fulor en em danas en hoc'h enep a-berzh an AOTROU, evit distrujañ ac'hanoc'h. Met an AOTROU a selaouas ouzhin c'hoazh ar wech-mañ.