Adlezenn 11:12 - Bibl Koad 21: Ar Bibl e Brezhoneg evit ar Vretoned

¹² ur vro ma vez an AOTROU da Zoue o kemer preder ganti, emañ daoulagad an AOTROU da Zoue dalc'hmat warni, adalek penn kentañ ar bloaz betek ar penn diwezhañ.

Adlezenn 11:12 Referencias Cruzadas

1 Rouaned 9:3

An AOTROU a lavaras dezhañ: Selaouet em eus da bedenn hag ar goulenn ac'h eus graet ouzhin. Santelaet em eus an ti-mañ ac'h eus savet evit lakaat ennañ va anv da viken. Va daoulagad ha va c'halon a vo bepred eno.

2 Rouned 18:32

betek ma teuin ha ma kasin ac'hanoc'h d'ur vro heñvel ouzh hoc'h hini, ur vro a winizh hag a win, ur vro a vara hag a winiegi, ur vro a olivez, a eoul hag a vel; hag e vevot ha ne varvot ket. Na selaouit ket Ezekiaz, rak touellañ a ra ac'hanoc'h o lavarout: An AOTROU hon dieubo.

Ezdra 5:5

Met lagad Doue a oa war henaourien ar Yuzevien, ha ne voe ket graet dezho paouez, betek ma voe kaset an afer dirak Dariuz, ha ma voe skrivet dezho war gement-se.

Salmoù 33:18

Setu, lagad an AOTROU a zo war ar re a zouj anezhañ, war ar re a zo en gortoz d'e vadelezh,

Salmoù 34:15

Distro diouzh an droug ha gra ar mad, klask ar peoc'h hag heuilh anezhañ.

Salmoù 65:11

Dourañ a rez e irvi hag e plaenaez e vouded, e wakaat a rez gant glav fin hag e vennigez e ziwan.

Izaia 36:17

betek ma teuin ha ma kasin ac'hanoc'h d'ur vro heñvel ouzh hoc'h hini, ur vro a winizh hag a win, ur vro a vara hag a winiegi.

Jeremiaz 24:6

Hag e sellin outo gant ul lagad madelezhus, hag o degasin en-dro d'ar vro-mañ, hag e tiazezin anezho ha n'o distrujin ken, hag e plantin anezho ha n'o zennin ken.