2 Samuel 20:19 - Bibl Koad 21: Ar Bibl e Brezhoneg evit ar Vretoned

¹⁹ Me a zo peoc'hus ha feal en Israel: fellout a ra dit distrujañ ur gêr a zo ur vamm en Israel. Perak e tiskarfes hêrezh an AOTROU?

2 Samuel 20:19 Referencias Cruzadas

Geneliezh 18:23

Abraham a dostaas hag a lavaras: Ha lakaat a ri ivez an hini reizh da vezañ kollet gant an hini fallakr?

2 Samuel 14:16

Rak ar roue a selaouo e servijerez evit he dieubiñ eus dorn an hini a fell dezhañ hol lazhañ eus hêrezh Doue, me ha va mab a-gevret.

2 Samuel 17:16

Bremañ eta kasit buan ha roit da c'houzout da Zavid, ha lavarit dezhañ: Na chom ket da noz e plaenennoù ar gouelec'h, met kae muioc'h a-raok, gant aon na vefe lonket ar roue hag an holl bobl a zo gantañ.

2 Samuel 20:18

Komz a reas eta o lavarout: Gwechall e veze lavaret alies: Ret eo mont da c'houlenn ali digant Abel, hag a dra a veze graet.

2 Samuel 20:20

Joab a respontas o lavarout: Pell diouzhin kaout soñj da ziskar pe da zismantrañ!

2 Samuel 21:3

David a lavaras d'ar C'habaoniz: Petra a rin evidoc'h? Gant petra e rin an dic'haou, evit ma vennigot hêrezh an AOTROU?

1 Rouaned 8:53

Rak o dispartiet ec'h eus a-douez holl bobloù an douar, evit bezañ da hêrezh, evel ma ec'h eus lavaret dre Voizez da servijer, pa ec'h eus tennet hon tadoù eus an Ejipt, Aotrou AOTROU!

Salmoù 106:5

evit ma welin eurvad da re zibabet, ma laouenain e levenez da bobl, ha ma kavin gloar gant da hêrezh.

Salmoù 124:3

neuze o dije hol lonket en bev, pa en em dane o fulor en hon enep.

Salmoù 33:12

Eürus ar vroad he deus an AOTROU da Zoue, ar bobl en deus dibabet evit e hêrezh!

Salmoù 78:71

hag en deus kerc'het a-gichen ar re a laeshae, evit peuriñ Jakob e bobl hag Israel e hêrezh.

Jeremiaz 51:34

Nebukadnezar roue Babilon en deus va debret ha va brevet, va lezet en deus evel ul lestr goullo, va lonket en deus evel un aerouant, leuniet en deus e gof eus va gwellañ traoù, va c'haset en deus.

Jeremiaz 51:44

Kastizañ a rin Bel e Babilon, hag e tennin eus e c'henoù ar pezh en doa lonket, hag ar broadoù ned aint ken etrezek ennañ. Moger Vabilon zoken a zo kouezhet.

Klemmganoù 2:16

Da holl enebourien o deus digoret o genoù a-enep dit. C'hwitellat a reont ha skrignal o dent en ur lavarout: He lonket hon eus! Ya, amañ emañ an deiz a c'hortozemp, erru eo, e welout a reomp!

Klemmganoù 2:2

An Aotrou en deus distrujet, didruez, holl lec'hioù plijus Jakob. Diskaret en deus, en e fulor, kreñvlec'hioù merc'h Juda, o zaolet en deus d'an douar. Disakret en deus ar rouantelezh hag he fennoù.

Klemmganoù 2:5

An Aotrou a zo bet evel un enebour. Lonket en deus Israel, lonket e holl balezioù, distrujet e holl greñvlec'hioù. Liesaet en deus e ti merc'h Juda an huanadoù hag ar c'hlemmoù.

Niveroù 16:32

Hag an douar a zigoras e c'henoù da lonkañ anezho gant o holl dier, an holl dud a oa gant Kora hag o holl vadoù.

Niveroù 26:10

An douar a zigoras e c'henoù d'o lonkañ gant Kora, ha neuze ar re a oa en em zastumet a varvas, pa guzumas an tan daou c'hant hag hanter-kant den; kement-se a voe ur skouer.

1 Korintiz 15:54

Pa’z en devo ar c’horf breinus-mañ gwisket an divreinusted ha pa’z en devo ar c’horf marvel-mañ gwisket an divarvelezh, neuze e vo peurc’hraet ar ger a zo skrivet: Ar marv a zo bet lonket en trec’h.

2 Korintiz 5:4

E-pad ma’z emaomp en tabernakl-mañ, e huanadomp dindan ar bec’h, abalamour ma fell deomp, nann bezañ diwisket, met bezañ gwisket, evit ma vo ar pezh a zo marvel lonket gant ar vuhez.

Adlezenn 20:10

Pa dostai ouzh ur gêr evit he c'hemer, e kinnigi dezhi ar peoc'h.

Adlezenn 32:9

rak lodenn an AOTROU eo e bobl, Jakob eo lodenn e hêrezh.

1 Timote 2:2

evit ar rouaned hag evit ar re holl a zo e kargoù uhel, evit ma c’hellimp ren ur vuhez peoc’hius ha sioul e pep doujañs-Doue hag e pep onestiz.

Ar Varnerien 5:7

Ne oa ken a renerien en Israel betek ma savis, me Debora, betek ma savis evel ur vamm en Israel.

1 Samuel 10:1

Samuel a gemeras ur vured eoul, a skuilhas war benn Saül, hag e pokas dezhañ, hag e lavaras: An AOTROU , ha n'en deus ket da olevet evit bezañ rener war e hêrezh?

1 Samuel 26:19

Ha bremañ, ra selaouo va aotrou roue komzoù e servijer. Mard eo an AOTROU a vount ac'hanout a-enep din, ra vo da zonezon plijus dezhañ, met mard eo an dud, ra vint milliget dirak an AOTROU , rak va c'haset o deus kuit hiziv, evit ma ne c'hellin ket bezañ staget ouzh hêrezh an AOTROU , en ur lavarout: Kae ha servij doueoù estren.