2 Samuel 16:12 - Bibl Koad 21: Ar Bibl e Brezhoneg evit ar Vretoned

¹² Marteze e sello an AOTROU ouzh va glac'har, hag e roio an AOTROU vad din e-lec'h ar mallozhioù a hiziv.

2 Samuel 16:12 Referencias Cruzadas

2 Samuel 16:13

David hag e dud a gendalc'he gant o hent, ha Shimei a gerzhe a-hed ar menez a-gostez da Zavid, hag e ur gerzhout e villige hag e stlape mein a-enep dezhañ hag e save poultr.

2 Rouned 19:4

Marteze an AOTROU da Zoue en deus klevet holl gomzoù Rabshake, kaset gant roue Asiria e vestr da zismegañsiñ an Doue bev, ha marteze an AOTROU da Zoue a gastizo ar c'homzoù en deus klevet. Gra sevel eta ur bedenn evit an nemorant a zo manet c'hoazh.

Salmoù 10:14

E welet ec'h eus koulskoude, rak sellout a rez ouzh ar glac'har hag ar boan evit derc'hel kont outo. Warnout-te eo en em harp an hini paour, te eo sikour an emzivad.

Salmoù 109:28

Milligañ a raint, te a vennigo. Sevel a reont, met int a ruzio ha da servijer a laouenaio.

Salmoù 132:1

Kanaouenn ar "Maalod". AOTROU, az pez soñj eus David hag eus e holl c'hlac'har.

Salmoù 25:18

Gwel va glac'har ha va labour, ha pardon din va holl bec'hedoù.

Krennlavarioù 25:22

rak glaou tan eo e tastumi war e benn, hag an AOTROU a rento dit.

Krennlavarioù 26:2

Evel ma tec'h ul labous hag evel ma nij ar wennili, evel-se ar vallozh dizellid ne zeuio ket.

Izaia 27:7

An AOTROU, ha skoet en deus gant e bobl evel m'eo bet ar re o doa skoet ganti? Israel, ha lazhet eo bet evel m'eo bet ar re o doa lazhet anezhi?

Joel 2:14

Piv a oar ha ne zistroio ket ha n'en devo ket keuz, ha ne lezo ket ur vennozh war e lerc'h, un donezon hag un evadkinnig evit an AOTROU ho Toue?

Romaned 8:28

Gouzout a reomp penaos pep tra a dro da vad evit ar re a gar Doue, ar re a zo galvet hervez e ziviz.

2 Korintiz 4:17

Rak hor glac’har skañv eus an amzer a-vremañ a ro ur pouez a c’hloar peurbadus ha meurbet gwelloc’h,

Adlezenn 23:5

Met an AOTROU da Zoue ne fellas ket dezhañ selaou Balaam, hag an AOTROU da Zoue a droas evidout ar vallozh e bennozh, dre ma kar ac'hanout an AOTROU da Zoue.

Adlezenn 23:6

Ne glaski ket o feoc'h nag o eurvad e-keit ha ma vevi, biken.

2 Tesalonikiz 1:7

ha ma rofe deoc’h-c’hwi a zo glac’haret, an diskuizh ganeomp, pa en em ziskouezo an Aotrou Jezuz eus an neñv gant aeled e c’halloud, e-kreiz flammoù-tan,

Hebreed 12:10

Rak hon tadoù hor c’hastize evit nebeud devezhioù, evel ma kavent mat, met Doue hor c’hastiz evit hor mad, evit ma hor bo lod er santelezh.

1 Samuel 1:11

Hag e reas ur gouestl o lavarout: AOTROU an armeoù, mar sellez ouzh glac'har da servijerez, ma'z pez soñj ac'hanon, ma n'ankounac'haez ket da servijerez, ma roez da'z servijerez ur bugel paotr, e roin anezhañ d'an AOTROU holl zeizioù e vuhez, hag an aotenn ne dremeno ket war e benn.