2 Danevelloù 7:3 - Bibl Koad 21: Ar Bibl e Brezhoneg evit ar Vretoned

³ Holl vibien Israel a welas an tan ha gloar an AOTROU o tiskenn war an ti, hag e plegjont, o dremm d'an douar war al leur, hag e stoujont, hag e veuljont an AOTROU, o lavarout: Rak mat eo, rak e drugarez a bad da viken!

2 Danevelloù 7:3 Referencias Cruzadas

1 Rouaned 18:39

An holl bobl a welas kement-se, hag a gouezhas war o dremm hag a lavaras: An AOTROU a zo Doue! An AOTROU a zo Doue!

1 Danevelloù 16:34

Kinnigit trugarekadennoù d'an AOTROU rak mat eo, rak e drugarez a bad da viken!

1 Danevelloù 16:41

ha ganto e oa Heman ha Jedutun, hag ar re all a oa bet dibabet ha merket dre o anv evit meuliñ an AOTROU , rak e vadelezh a bad da viken;

1 Danevelloù 29:20

Ha David a lavaras d'an holl vodadeg: Bennigit an AOTROU ho Toue! Hag an holl vodadeg a vennigas an AOTROU , Doue o zadoù. Hag e plegjont hag e stoujont dirak an AOTROU ha dirak ar roue.

2 Danevelloù 20:18

Neuze Jozafad a stouas, e zremm d'an douar, hag holl Juda ha tud Jeruzalem a gouezhas dirak an AOTROU, oc'h azeuliñ an AOTROU.

2 Danevelloù 20:21

Hag, o vezañ kemeret kuzul digant ar bobl, e lakaas kanerien d'an AOTROU evit meuliñ e veurded santel; o kerzhout dirak an arme, e lavarent: Meulit an AOTROU, rak e drugarez a bad da viken!

2 Danevelloù 29:28

Hag an holl vodadenn a stouas, ar ganenn a voe kanet, hag an trompilhoù a sonas, betek ma voe echu al loskaberzh.

2 Danevelloù 29:29

Ha pa voe echu al loskaberzh, ar roue hag an holl re a oa gantañ a zaoublegas hag a stouas.

2 Danevelloù 29:30

Neuze ar roue Ezekiaz hag ar pennoù a lavaras d'al Levited meuliñ an AOTROU gant komzoù David hag Azaf ar gwelour. Hag e veuljont anezhañ gant kalz a levenez, hag e taoublegjont hag e stoujont.

2 Danevelloù 5:13

ha pa voe unanet, evel un den hepken, ar re a sone an trompilhoù gant ar re a gane, o reiñ da glevout o mouezhioù a-unvan evit meuliñ ha trugarekaat an AOTROU, gant son an trompilhoù, ar simbalennoù hag ar binvioù all, hag o veuliñ an AOTROU o lavarout: Rak mat eo, rak e drugarez a bad da viken! e c'hoarvezas ma voe leuniet ti an AOTROU gant ur goabrenn.

Ezdra 3:11

Hag e raent ur c'han-ha-diskan, o veuliñ hag o trugarekaat an AOTROU evel-henn: Rak mat eo, rak e drugarez a bad da viken evit Israel! Hag an holl bobl a laoske kriadennoù bras a levenez, o veuliñ an AOTROU dre ma veze diazezet ti an AOTROU.

Salmoù 100:5

rak an AOTROU a zo mat, e vadelezh a chom da viken, hag e fealded a oad da oad.

Salmoù 103:17

Met madelezh an AOTROU a zo a bep amzer ha da viken evit ar re a zouj anezhañ, hag e reizhder evit mibien o mibien,

Salmoù 106:1

Meulit an AOTROU! Kinnigit trugarekadennoù d'an AOTROU rak mat eo, rak e drugarez a bad da viken!

Salmoù 107:1

Meulit an AOTROU rak mat eo, rak e drugarez a bad da viken!

Salmoù 118:1

Meulit an AOTROU rak mat eo, rak e drugarez a bad da viken.

Salmoù 95:6

Deuit, stouomp, plegomp, daoulinomp dirak an AOTROU en deus hor graet.

Ermaeziadeg 4:31

Ar bobl a gredas, hag ec'h anavezjont penaos en doa gweladennet an AOTROU mibien Israel ha penaos en doa gwelet o glac'har. Hag e soubljont o fenn hag e stoujont.

Izaia 63:7

Embann a rin madelezhioù an AOTROU, meuleudioù an AOTROU, evit an holl vadoberoù en deus sevenet evidomp an AOTROU, hag evit fonnusted e vadelezh en deus sevenet evit ti Israel, en e drugarez hag e braster e garantez.

Jeremiaz 33:11

mouezh a joa ha mouezh a levenez, mouezh ar paotr-nevez ha mouezh ar plac'h-nevez, mouezh ar re a lavaro: Meulit AOTROU an armeoù, rak an AOTROU a zo mat, rak e drugarez a bad da viken, ha mouezh ar re a zegas aberzhoù a veuleudi da di an AOTROU. Rak re zalc'het ar vro a zegasin en-dro, evel diagent, eme an AOTROU.

Leviegezh 9:24

An tan a zeuas er-maez a-zirak an AOTROU, hag a guzumas war an aoter al loskaberzh hag al lard. An holl bobl henn gwelas hag en ur leuskel kriadennoù a levenez e em daoljont war o dremmoù.

Niveroù 14:5

Moizez hag Aaron a gouezhas war o dremm dirak holl vodadenn mibien Israel.

Niveroù 16:22

Neuze e kouezhjont war o dremmoù hag e lavarjont: O Doue, Doue speredoù pep kig! Un den hepken en deus pec'het, hag e fulorfes a-enep an holl vodadenn?

Sant Lucas 1:50

hag e drugarez en em astenn a oad en oad war ar re a zouj anezhañ.