1 Yann 3:4 - Bibl Koad 21: Ar Bibl e Brezhoneg evit ar Vretoned

⁴ Piv bennak a bec’h a dorr ivez al lezenn, rak ar pec’hed a zo un dorridigezh eus al lezenn.

Testamant Nevez 1897 (Jenkins)

⁴ Piou‐benag a ra ar pec’hed, a dor ive al lezen; rag ar pec’hed a zo eun torlezen.

1 Yann 3:4 Referencias Cruzadas

1 Rouaned 8:47

mar deuont enno o-unan er vro ma vint harluet enni, mar pedont o kaout keuz e bro ar re o devo o harluet, o lavarout: Pec'het hon eus, graet hon eus an droug, en em renet hon eus gant fallentez,

1 Danevelloù 10:13

Evel-se e varvas Saül en abeg d'ar pec'hed en doa graet a-enep an AOTROU , a-enep komz an AOTROU n'en doa ket miret, ha dre m'en doa goulennataet ur spered evit goulenn ali.

2 Danevelloù 24:20

Ha Spered Doue a wiskas Zakaria mab an aberzhour Jehojada. Hemañ en em zalc'has en e sav dirak ar bobl, hag e lavaras dezho: Evel-henn e komz Doue: Perak e torrit gourc'hemenn an AOTROU? Ne reot ket berzh, rak dilezet hoc'h eus an AOTROU, hag eñ a zilezo ac'hanoc'h.

Izaia 53:8

Tennet eo bet eus ar wask hag eus ar varnedigezh, met piv a lavaro d'e rummad? Rak lamet eo bet kuit a-ziwar douar ar re vev, skoet eo bet evit drougoberoù va fobl.

Daniel 9:11

Israel holl en deus torret da lezenn, hag en em zistroet evit chom hep klevout da vouezh. Neuze ar vallozh hag al le a zo skrivet e lezenn Moizez, servijer Doue, a zo kouezhet warnomp, rak hon eus pec'het a-enep dezhañ.

Niveroù 15:31

Disprizet en devo komz an AOTROU, torret en devo e c'hourc'hemenn, ret e vo lemel an den-se; hag e tougo e zireizhder.

Mazhev 5:19

Piv bennak eta a dorro an disterañ eus ar gourc’hemennoù-mañ hag a zesko evel-se d’an dud, a vo galvet ar bihanañ e rouantelezh an neñvoù. Met piv bennak o miro hag o desko d’ar re all, hennezh a vo galvet bras e rouantelezh an neñvoù.

Actou an Ebestel 23:3

Neuze Paol a lavaras dezhañ: Doue a skoio ac’hanout moger wennaet! Azezet out evit va barn hervez al lezenn, hag e terrez al lezenn o c’hourc’hemenn va skeiñ.

Romaned 3:20

Rak kig ebet ne vo reishaet dirazañ dre oberoù al lezenn, rak dre al lezenn eo e teu anaoudegezh ar pec’hed.

Romaned 4:15

Al lezenn a zegas ar gounnar, peogwir e-lec’h n’eus lezenn ebet n’eus ket a dorridigezh-lezenn.

2 Korintiz 12:21

hag o tistreiñ d’ho kavout, na rofe Doue din mezh en ho touez, na’m befe da ouelañ war meur a hini eus ar re o deus pec’het diagent ha n’o deus ket bet keuz eus an dic’hlanded, eus an hudurniezh hag eus ar c’hadaliezh o deus graet.

S. Jakes 5:15

Pedenn ar feiz a saveteo ar c’hlañvour hag an Aotrou en adsavo, ha mar en deus graet pec’hedoù, e vint pardonet dezhañ.

1 Yann 5:17

Pep direizhder a zo ur pec’hed, met ez eus ur pec’hed na gas ket d’ar marv.

1 Samuel 15:24

Saül a lavaras da Samuel: Pec'het em eus, rak ne'm eus ket sentet ouzh gourc'hemenn an AOTROU hag ouzh da gomzoù, aon am boa rak ar bobl, hag em eus sentet ouzh o mouezh.