1 Yann 2:1 - Bibl Koad 21: Ar Bibl e Brezhoneg evit ar Vretoned

¹ Va bugale vihan, skrivañ a ran an traoù-mañ deoc’h evit na bec’hot ket. Ha mar en deus unan bennak ac’hanoc’h pec’het, hon eus un alvokad e-kichen an Tad, Jezuz-Krist ar reizh.

Testamant Nevez 1897 (Jenkins)

¹ Va bugaligou, scriva a ran antraou‐man deoc’h, evit na bec’hot ket. Ha mar d’euz unan‐benag hag hen deuz pec’het, hon euz eun avocat dirag an Tad, Jesus‐Christ ar Just.

1 Yann 2:1 Referencias Cruzadas

Salmoù 4:4

Gouezit penaos en deus dibabet an AOTROU ur c'haret-mat. An AOTROU a glev ac'hanon pa grian dezhañ.

Ezekiel 3:21

Met mar kemennez an hini reizh evit na bec'ho ket, ha ma ne bec'h ket, a-dra-sur e vevo dre ma ec'h eus e gemennet, ha te a saveteo da ene.

Zakaria 9:9

Bez laouen, merc'h Sion! Laosk kriadennoù a levenez, merc'h Jeruzalem! Setu, da Roue a zeu da'z kavout, reizh ha trec'hus, uvel ha pignet war un azen, war un azenig, ebeul un azenez.

Sant Lucas 10:22

Pep tra a zo bet roet din gant va Zad, ha den ne oar piv eo ar Mab nemet an Tad, na piv eo an Tad nemet ar Mab hag an hini a fell d’ar Mab e zisklêriañ dezhañ.

Sant Ian 10:15

Evel ma’c’h anavez an Tad ac’hanon, ec’h anavezan ivez an Tad. Ha reiñ a ran va buhez evit an deñved.

Sant Ian 13:33

Va bugale vihan, me a zo c’hoazh ganeoc’h evit un nebeud amzer. C’hwi am c’hlasko hag, evel ma em eus lavaret d’ar Yuzevien: Ne c’hellit ket dont e-lec’h ma’z an, deoc’h ivez en lavaran bremañ.

Sant Ian 14:16

Me a bedo an Tad hag e roio deoc’h ur Frealzer all, evit ma chomo ganeoc’h da viken,

Sant Ian 14:6

Jezuz a lavaras dezhañ: Me eo an hent, ar wirionez hag ar vuhez. Den ne zeu d’an Tad nemet drezon.

Sant Ian 21:5

Jezuz a lavaras dezho: Bugale, ha n’hoc’h eus netra da zebriñ? Int a respontas dezhañ: Nann.

Sant Ian 5:14

Goude-se, Jezuz a gavas anezhañ en templ hag a lavaras dezhañ: Setu, yac’haet out bet, na bec’h ken gant aon en em gavfe ganit un dra bennak gwashoc’h.

Sant Ian 5:36

Met me am eus un testeni brasoc’h eget hini Yann, rak an oberoù en deus va Zad roet din da beurober, an oberoù-mañ o-unan a ran, a ro ac’hanon an testeni-mañ, penaos en deus an Tad va c’haset.

Sant Ian 6:27

Na labourit ket evit ar boued a ya da goll, met evit an hini a chom betek ar vuhez peurbadus hag a vo roet deoc’h gant Mab an den. Rak Doue an Tad en deus e verket gant e siell.

Sant Ian 8:11

Hi a lavaras: Den, Aotrou. Jezuz a lavaras dezhi: Ne varnan ket ac’hanout kennebeut, kae ha na bec’h ken.

Actou an Ebestel 7:52

Pehini eo ar profed n’o deus ket ho tadoù heskinet? Lazhet o deus ar re o doa diouganet donedigezh ar Reizh, an hini hoc’h eus droukroet bremañ hag hoc’h eus drouklazhet.

Romaned 5:10

Rak mar d-omp bet, pa oamp enebourien, adunvanet gant Doue dre varv e Vab, muioc’h a-se o vezañ adunvanet, e vimp salvet dre e vuhez.

Romaned 6:15

Petra eta? Ha pec’hiñ a raimp dre ma n’emaomp ket dindan al lezenn met dindan ar c’hras? N’eo ket!

Romaned 8:34

Piv a gondaono anezho? Krist a zo marv, hag ivez adsavet a varv, emañ zoken a-zehou da Zoue, hag ouzhpenn ec’h erbed evidomp.

1 Korintiz 15:34

Dihunit hervez ar reizhder ha na bec’hit ket, rak bez’ ez eus darn hep anaoudegezh Doue, lavarout a ran kement-se evit ho mezh.

2 Korintiz 5:21

Rak lakaet eo bet gantañ da vezañ pec’hed abalamour deomp an hini n’en deus ket anavezet ar pec’hed, evit ma teuimp da vezañ reizhder Doue ennañ.

Galated 4:19

Va bugale vihan, gouzañv a ran a-nevez gwentloù ar gwilioud betek ma vo Krist stummet ennoc’h,

Efeziz 2:18

rak drezañ hon eus an eil hag egile un degemer digant an Tad en un hevelep Spered.

Efeziz 4:26

Mar en em lakait e fulor, na bec’hit ket, ra ne guzho ket an heol war ho fulor

1 Timote 2:5

Rak n’eus nemet un Doue hepken, hag un hanterour hepken etre Doue hag an dud, an den Jezuz-Krist,

1 Timote 3:14

Skrivañ a ran kement-mañ dit, oc’h esperout mont prest da’z kavout

Hebreed 9:24

Rak Krist n’eo ket aet e-barzh ur santual graet gant dorn an den evel skeudenn an hini gwirion, met aet eo e-barzh an neñv e-unan, evit en em ziskouez bremañ evidomp dirak Doue,

S. Jakes 1:27

Ar relijion glan ha dinamm dirak Doue hon Tad, eo gweladenniñ an emzivaded hag an intañvezed en o glac’har, hag en em virout diouzh saotroù ar bed.

S. Jakes 3:9

Gantañ e vennigomp Doue an Tad ha gantañ e villigomp an dud deuet da vezañ hervez skeudenn Doue.

1 Pêr 2:22

eñ ha n’en deus graet pec’hed ebet ha n’eus ket bet kavet tromplerezh en e genoù,

1 Pêr 3:18

Rak Krist ivez en deus gouzañvet ur wech evit ar pec’hedoù, eñ reizh evit ar re zireizh, evit hon degas da Zoue. Lakaet eo bet d’ar marv er c’hig, met bevaet hervez ar Spered,

1 Yann 3:18

Va bugale vihan, na garomp ket gant komzoù ha gant an teod, met en oberoù hag e gwirionez.

1 Yann 3:5

Gouzout a rit penaos eo en em ziskouezet evit lemel hor pec’hedoù ha penaos n’eus pec’hed ebet ennañ.

1 Yann 3:7

Bugale vihan, ra ne douello den ac’hanoc’h. An hini a ra ar reizhder a zo reizh evel ma’z eo e-unan reizh.

1 Yann 4:4

Bugale vihan, c’hwi a zo eus Doue hag hoc’h eus trec’het anezho, abalamour an hini a zo ennoc’h a zo brasoc’h eget an hini a zo er bed.

1 Yann 5:17

Pep direizhder a zo ur pec’hed, met ez eus ur pec’hed na gas ket d’ar marv.

1 Yann 5:21

Bugale vihan, diwallit diouzh an idoloù! Amen.

3 Yann 1:4

N’eus ket evidon ur brasoc’h levenez eget klevout penaos e kerzh va bugale er wirionez.