1 Timote 3:11 - Bibl Koad 21: Ar Bibl e Brezhoneg evit ar Vretoned

¹¹ En hevelep doare, ra vo o gwragez poellek, hep droukkomz, habask, feal en holl draoù.

Testamant Nevez 1897 (Jenkins)

¹¹ Er memeus doare, ho gragez a dle beza merc’hed a zoare, diwall ouz an drouk‐prezegerez, beza fur, ha fidel en pep tra.

1 Timote 3:11 Referencias Cruzadas

Salmoù 101:5

Lemel a rin kuit an hini a zroukkomz e kuzh diwar-benn e nesañ. Ne c'hellin ket padout gant an hini en deus ar sell faeüs hag ar galon c'hwezet.

Salmoù 15:3

an hini n'implij ket e deod da villigañ, an hini na ra ket droug d'e nesañ ha na zismegañs ket e amezeg,

Salmoù 50:20

Pa azezez, e komzez a-enep da vreur, hag e tizenor mab da vamm.

Krennlavarioù 10:18

An hini a guzh ar gasoni en deus muzelloù touellus, hag an hini a skuilh an drouklavar a zo diboell.

Krennlavarioù 25:13

Ar c'hannad feal a zo d'ar re a gas anezhañ evel freskted an erc'h en amzer an eost, hag e ra vat da ene e vestr.

Jeremiaz 9:4

Ra ziwallo pep hini ouzh e vignon ha ra ne fizio e breur ebet, rak pep breur a glask distroadañ, ha pep mignon a skuilh drouklavaroù.

Ezekiel 44:22

Ne gemerint ket da wreg un intañvez, nag unan gaset kuit, met e kemerint gwerc'hezed eus gouenn ti Israel, pe un intañvez a oa bet d'un aberzhour diagent.

Leviegezh 21:7

Ne gemerint ket ur wreg aet da c’hast pe disakret, ne gemerint ket ur wreg kaset kuit gant hec’h ozhac’h, rak santel ez int evit o Doue.

Mazhev 4:1

Neuze Jezuz a voe kaset gant ar Spered el lec’h distro, evit bezañ temptet gant an diaoul.

Sant Ian 6:70

Jezuz a respontas dezho: Ha ne’m eus ket ho tibabet, ho taouzek? Hag unan ac’hanoc’h a zo un diaoul.

Romaned 1:29

Bez’ ez int leuniet a bep direizhder, a loustoni, a fallentez, a bizhoni, a dromplerezh, a warizi, a vuntroù, a dabutoù, a widre, a fallagriezh,

1 Timote 1:12

Trugarekaat a ran an hini en deus va nerzhet, Jezuz-Krist hon Aotrou, dre ma en deus va c’havet feal o lakaat ac’hanon er servij,

1 Timote 3:2

Ret eo eta d’an eskob bezañ didamall, pried d’ur wreg hepken, poellek, fur, kempenn, degemerus, gouest da gelenn,

1 Timote 6:2

Ar re o deus kredourien da vistri ra ne zisprizint ket anezho war digarez ez int breudeur, met ra servijint anezho gwelloc’h abalamour ma’z int kredourien ha re garet-mat, ha m’en em lakaont d’ober vat dezho. Desk an traoù-se hag ali anezho.

2 Timote 3:3

hep karantez naturel, didruez, droukkomzerien, diroll, garv, enebourien d’an dud vat,

2 Timote 4:5

Met te, bez aketus en holl draoù, o c’houzañv ar glac’haroù, gra labour un avielour, seven da vinistrerezh en e bezh.

Titus 2:3

ra o devo ivez ar gwragez oadet an diavaez a zere ouzh ar santelezh, ra ne vint na droukkomzerezed, na re dechet d’ar gwin, ra gelennint ar mad,

Titus 3:2

ra ne zroukkomzint a-enep den, ra vint tud a beoc’h, sioul, o tiskouez un douster peurvat e-keñver an holl dud.

1 Pêr 5:8

Bezit poellek, beilhit, rak hoc’h enebour an diaoul a dro war ho tro evel ul leon o yudal, o klask piv a c’hello lonkañ.