1 Samuel 6:6 - Bibl Koad 21: Ar Bibl e Brezhoneg evit ar Vretoned

⁶ Perak e kaletafec'h ho kalon, evel m'o deus kaletaet an Ejipsianed ha Faraon o c'halon? Goude m'en doe graet a-enep dezho e vurzhudoù, ha n'o lezjont ket da vont kuit? Hag ez ejont kuit.

1 Samuel 6:6 Referencias Cruzadas

Levr Job 9:4

Fur eo e galon ha kreñv e c'halloud. Piv en deus stourmet outañ hag a zo en em gavet ervat?

Salmoù 95:8

Hiziv, mar klevit e vouezh, na galedit ket ho kalon evel e Meriba, evel en deiz Masa er gouelec'h;

Ermaeziadeg 10:3

Moizez hag Aaron a zeuas eta da gavout Faraon, hag e lavarjont: Evel-henn en deus lavaret an AOTROU , Doue an Hebreed: Betek pegoulz e nac'hi en em izelaat dirazon? Lez va fobl da vont kuit, evit ma servijo ac'hanon.

Ermaeziadeg 14:17

Setu, mont a ran da galetaat kalon an Ejipsianed hag ez aint war ho lerc'h. Hag e vin enoret war-bouez Faraon hag e holl armead, war-bouez e girri hag e varc'hegerien.

Ermaeziadeg 14:23

An Ejipsianed a gerzhas war o lerc'h, hag holl gezeg Faron, e girri hag e varc'hegerien a yeas war o lerc'h e-kreiz ar mor.

Ermaeziadeg 4:21

An AOTROU a lavaras da Voizez: En ur vont en-dro d'an Ejipt, evesha ouzh an holl vurzhudoù am eus lakaet ez torn hag a ri dirak Faraon. Met me a galetaio e galon, ha ne lezo ket ar bobl da vont kuit.

Ermaeziadeg 7:13

Kalon Faraon a galetaas, ne selaouas ket anezho evel m'en doa lavaret an AOTROU .

Ermaeziadeg 7:14

An AOTROU a lavaras da Voizez: Kalon Faraon a zo kaletaet, ne fell ket dezhañ lezel ar bobl da vont kuit.

Ermaeziadeg 8:15

Faraon, o welout e oa un ehan, a galetaas e galon, ne selaouas ket anezho evel m'en doa lavaret an AOTROU .

Ermaeziadeg 8:32

Met Faraon a galetaas e galon c'hoazh ar wech-mañ, ne lezas ket ar bobl da vont kuit.

Ermaeziadeg 9:16

Met evit kement-mañ em eus da lakaet da chom: evit ma weli va galloud hag evit ma vo embannet va anv dre an douar holl.

Ermaeziadeg 9:34

Faraon, o welout penaos e oa ar glav, ar grizilh hag ar c'hurunadoù paouezet, a gendalc'has c'hoazh da bec'hiñ hag a galetaas e galon, eñ hag e servijerien.

Romaned 2:5

Met dre da galeted ha da galon dibened, e tastumez un teñzor a fulor evit deiz fulor ha diskuliadur barnedigezh reizh Doue,

Hebreed 3:13

Met en em gennerzhit an eil egile bemdez, e-pad ma’z eo lavaret: Hiziv. Evel-se ra n’en em galedfe unan bennak ac’hanoc’h dre dromplerezh ar pec’hed.