1 Samuel 6:3 - Bibl Koad 21: Ar Bibl e Brezhoneg evit ar Vretoned

³ Hag e respontjont: Mar kasit kuit arc'h Doue Israel, n'he c'hasit ket goullo. Na vankit ket d'ober un aberzh a gablusted, ha neuze e viot yac'haet, hag e ouiot perak n'en em denn ket e zorn diwarnoc'h.

1 Samuel 6:3 Referencias Cruzadas

Levr Job 10:2

Lavarout a rin da Zoue: Na'm c'hondaon ket, ro din da c'houzout perak ez out em enep.

Ermaeziadeg 23:15

Mirout a ri: - Gouel ar bara hep goell; debriñ a ri bara hep goell e-pad seizh devezh evel ma em eus gourc'hemennet dit en amzer miz Abib, rak ennañ ez out aet kuit eus an Ejipt, ha ne zeuior ket en goullo dirak va dremm.

Ermaeziadeg 34:20

Dasprenañ a ri gant un oan pep kentañ-ganet eus an azen, ha ma ne zasprenez ket anezhañ, e torri dezhañ ar gouzoug. Dasprenañ a ri ivez pep kentañ-ganet eus an dud e-touez da vibien, ha ne zeuior ket en goullo dirak va dremm.

Ermaeziadeg 8:15

Faraon, o welout e oa un ehan, a galetaas e galon, ne selaouas ket anezho evel m'en doa lavaret an AOTROU .

Leviegezh 5:6

ra ginnigo d’an AOTROU e aberzh a gablusted evit ar pec’hed en devo graet, ur barez eus al loened bihan, un oan pe ur c’havr, evel aberzh-dic’haouiñ; hag an aberzhour a raio evitañ an dic’haou eus e bec’hed.

Leviegezh 6:6

Kinnig a raio d’an aberzhour evit e gablusted dirak an AOTROU un tourz disi, kemeret e-touez al loened bihan hervez da brizadur, evel aberzh a gablusted;

Adlezenn 16:16

Teir gwech er bloaz, pep gwaz ac'hanoc'h en em gavo dirak an AOTROU ho Toue, el lec'h dibabet gantañ, da ouel ar bara hep goell, da ouel ar sizhunioù ha da ouel al logelloù, ha n'en em ziskouezo ket er c'houllo dirak an AOTROU.

1 Samuel 5:11

Hag e kerc'hjont hag e tastumjont holl briñsed ar Filistined, hag e lavarjont: Lezit arc'h Doue Israel da vont, ha ma tistroio d'he lec'h, evit na varvimp ket, ni hag hor pobl. Rak ur spont a varv a oa dre holl gêr, ha dorn Doue a bounnerae warno.

1 Samuel 5:7

Tud Asdod, o welout kement-se, a lavaras: Arc'h Doue Israel ne chomo ket ganeomp, rak e zorn a zo pounneraet warnomp ha war Dagon hon doue.

1 Samuel 5:9

Met goude ma oa bet dezouget, dorn an AOTROU a voe war gêr, hag e reas eno un drubuilh vras. Skeiñ a reas war dud kêr, adalek ar bihanañ betek ar brasañ, hag e teuas dezho ruzderioù.

1 Samuel 6:8

Kemerit arc'h an AOTROU , ha lakait anezhi war ar c'harr. An oberennoù aour ho po paeet evel aberzh a gablusted a lakaiot en ur c'houfrig en he c'hichen, hag e kasot anezhi, hag ez aio kuit.

1 Samuel 6:9

Neuze e sellot. Mar pign etrezek Bet-Shemesh, dre hent an harz, eo an AOTROU an hini en deus graet deomp an droug bras-se. Ma ne ra ket, e ouezimp n'eo ket e zorn en deus skoet warnomp, met eo c'hoarvezet kement-mañ ganeomp dre zarvoud.