1 Samuel 6:16 - Bibl Koad 21: Ar Bibl e Brezhoneg evit ar Vretoned

¹⁶ Ha pemp priñs ar Filistined, o vezañ gwelet kement-se, a zistroas da Ekron an deiz-se.

1 Samuel 6:16 Referencias Cruzadas

Jozue 13:3

adalek ar Shihor a red a-dal d'an Ejipt betek harz Ekron war-zu an hanternoz, kontet evel Kananeat ez eus pemp penn-bras ar Filistined: hini Gaza, hini Asdod, hini Askalon, hini Gath hag hini Ekron; an Aviz

Ar Varnerien 16:5

Priñsed ar Filistined a bignas d'he c'havout hag a lavaras dezhi: Hoal anezhañ, anavez dioutañ a-belec'h e teu e nerzh bras ha penaos e c'hellfemp e drec'hiñ, evit ma c'hellimp e eren hag e vestroniañ. Pep hini ac'hanomp a roio dit kant dek pezh arc'hant.

Ar Varnerien 3:3

Pemp priñs ar Filistined, an holl Gananeiz, ar Sidoniz, an Hevianed a oa o chom e menez al Liban adalek menez Baal-Hermon betek digor Hamad.

1 Samuel 5:10

Kas a rejont eta arc'h Doue da Ekron. Pa erruas arc'h Doue en Ekron, an Ekroniz a grias o lavarout: Degaset o deus deomp arc'h Doue Israel, evit hol lakaat da vervel, ni hag hor pobl!

1 Samuel 6:12

Neuze ar buoc'hed a yeas eeun gant hent Bet-Shemesh, hag en em zalc'hjont atav war an hevelep hent, o kerzhout hag o vlejal, hep distreiñ nag a-zehou nag a-gleiz. Priñsed ar Filistined a yeas war o lerc'h betek harz Bet-Shemesh.

1 Samuel 6:4

Hag e lavarjont: Peseurt aberzh a gablusted a raimp? Hag e respontjont: Hervez niver priñsed ar Filistined, pemp gwazrudez aour ha pemp logodenn aour, rak un hevelep gouli a zo bet warnoc'h holl ha war ho priñsed.