1 Samuel 5:8 - Bibl Koad 21: Ar Bibl e Brezhoneg evit ar Vretoned

⁸ Hag e kerc'hjont hag e tastumjont holl briñsed ar Filistined, hag e lavarjont: Petra a raimp gant arc'h Doue Israel? Hag e respontjont: Ra vo kaset arc'h Doue Israel betek Gad. Hag e tezougjont arc'h Doue Israel.

1 Samuel 5:8 Referencias Cruzadas

1 Danevelloù 7:21

Zabad e vab, Shutela e vab, hag Ezer hag Elead. Tud Gad, bet ganet er vro, a lazhas anezho dre ma oant diskennet da dapout o zropelloù.

Amoz 6:2

Tremenit e Kalne ha gwelit; it alese da Hamad-ar-Vras ha diskennit da C'had ar Filistined. Hag ez int gwelloc'h eget ar rouantelezhioù-mañ, hag o douaroù brasoc'h eget ho touaroù?

Zakaria 12:3

En deiz-se e rin eus Jeruzalem ur maen pouezus evit an holl bobloù. An holl re a zougo ar bec'h anezhi a vo gloazet, hag holl vroadoù ar bed en em savo en hec'h enep.

Jozue 13:3

adalek ar Shihor a red a-dal d'an Ejipt betek harz Ekron war-zu an hanternoz, kontet evel Kananeat ez eus pemp penn-bras ar Filistined: hini Gaza, hini Asdod, hini Askalon, hini Gath hag hini Ekron; an Aviz

Jozue 15:11

hag en em astenne an harz e tu hanternoz Ekron, hag ez ae da gavout Shikron, hag e tremene dre venez Baala, hag ez ae da Jabneel, hag an harz a zeue d'ar mor.

1 Samuel 17:4

Neuze e teuas er-maez eus kamp ar Filistined un den en em ziskouezas etre an daou lu hag a oa anvet Goliad; eus Gad e oa. E uhelder a oa c'hwec'h ilinad hag ur palvad.

1 Samuel 17:52

Tud Israel ha Juda a savas, a laoskas kriadennoù a levenez, hag a redas war-lerc'h ar Filistined betek digor an draonienn ha betek dorioù Ekron. Hag ar Filistined gloazet d'ar marv a gouezhas war hent Shaaraim betek Gad ha betek Ekron.

1 Samuel 29:6

Akish a c'halvas David hag a lavaras dezhañ: An AOTROU a zo bev! Te a zo un den eeun, hag e karjen da welout o tont er-maez hag o vont er c'hamp ganin, rak ne'm eus kavet netra fall ennout abaoe an deiz ma'z out deuet da'm c'havout betek hiziv. Met ne blijez ket d'ar briñsed.

1 Samuel 5:11

Hag e kerc'hjont hag e tastumjont holl briñsed ar Filistined, hag e lavarjont: Lezit arc'h Doue Israel da vont, ha ma tistroio d'he lec'h, evit na varvimp ket, ni hag hor pobl. Rak ur spont a varv a oa dre holl gêr, ha dorn Doue a bounnerae warno.

1 Samuel 5:7

Tud Asdod, o welout kement-se, a lavaras: Arc'h Doue Israel ne chomo ket ganeomp, rak e zorn a zo pounneraet warnomp ha war Dagon hon doue.

1 Samuel 6:2

Ar Filistined a c'halvas an aberzhourien hag an divinourien, hag e lavarjont dezho: Petra a raimp gant arc'h an AOTROU? Deskit deomp penaos he c'hasimp d'he lec'h?