1 Samuel 4:9 - Bibl Koad 21: Ar Bibl e Brezhoneg evit ar Vretoned

⁹ Filistined, bezit kreñv, bezit kadourien, gant aon na vefec'h sklaved d'an Hebreed, evel ma'z int bet deoc'h. Bezit eta kadourien, ha stourmit.

1 Samuel 4:9 Referencias Cruzadas

2 Samuel 10:12

Bez kreñv, diskouezomp kalon evit hor pobl hag evit kêrioù hon Doue. Ra vo graet gant an AOTROU evel ma kavo mat.

Izaia 14:2

Ar pobloù a gemero anezho, hag o degaso en-dro d'o bro. Ti Israel o ferc'henno war douar an AOTROU evel servijerien hag evel servijerezed. Kas a raint en dalc'herezh ar re o doa o dalc'het, hag e vestroniint war ar re o doa o gwasket.

Izaia 33:1

Gwalleur dit, te hag a zistruj ha n'out ket bet distrujet, hag a douell ha n'out ket bet touellet! Pa vo echu ganit distrujañ e vi distrujet, ha pa vo echu ganit touellañ e vi touellet.

1 Korintiz 16:13

Beilhit, chomit start er feiz, en em renit evel tud, en em greñvait.

Ar Varnerien 10:7

Fulor an AOTROU en em danas a-enep Israel, hag e lakaas anezho etre daouarn ar Filistined hag etre daouarn mibien Ammon.

Ar Varnerien 13:1

Mibien Israel a reas adarre an droug dirak daoulagad an AOTROU, hag an AOTROU o lakaas etre daouarn ar Filistined e-pad daou-ugent vloaz.

1 Samuel 14:21

Ar Filistined o doa en o zouez, evel diagent, Hebreed hag a oa pignet eus tro-war-dro d'ar c'hamp, hag int en em unanas d'an Israeliz a oa gant Saül ha Jonatan.

1 Samuel 4:8

Gwalleur deomp! Piv hon tenno eus dorn an doueoù galloudus-se? An doueoù-se eo ar re o deus skoet war an Ejipsianed dre bep seurt goulioù er gouelec'h.