1 Samuel 4:3 - Bibl Koad 21: Ar Bibl e Brezhoneg evit ar Vretoned

³ Ar bobl a zistroas d'ar c'hamp, hag henaourien Israel a lavaras: Perak en deus hon lezet an AOTROU da vezañ pilet gant ar Filistined? Lakaomp arc'h emglev an AOTROU da zont eus Silo, ra zeuio en hor c'hreiz, ha ra hon dieubo eus dorn hon enebourien.

1 Samuel 4:3 Referencias Cruzadas

2 Samuel 15:25

Hag ar roue a lavaras da Zadok: Adkas arc'h Doue e kêr. Mar kavan trugarez dirak an AOTROU, va c'haso en-dro, hag e tiskouezo din anezhi gant he chomlec'h.

1 Danevelloù 17:1

Pa voe staliet David en e di, e lavaras da Natan ar profed: Setu emaon o chom en un ti sedrez, hag arc'h emglev an AOTROU a zo dindan pallinier.

Salmoù 74:1

"Maskil" Azaf. Perak, o Doue, ec'h eus hon distaolet da viken, perak e tivoged da gounnar a-enep tropell da beurvan?

Salmoù 74:11

Perak e tennez da zorn ha da du dehou? Tenn eñ eus da vruched, ha distruj!

Izaia 50:1

Evel-henn e komz an AOTROU: Pelec'h emañ ar skrid a dorr-dimeziñ eus ho mamm, am eus kaset kuit anezhi drezañ? Piv eo an hini eus va c'hredourien am eus gwerzhet ac'hanoc'h dezhañ? Setu, en abeg d'ho pec'hedoù ez oc'h bet gwerzhet, en abeg d'ho mankoù eo bet kaset kuit ho mamm.

Izaia 58:3

Perak hon eus yunet hep ma lakaez evezh? Perak hon eus glac'haret hon eneoù hep ma'c'h anavezez? Setu, en deiz ho yun e rit ar pezh a blij deoc'h hag e wallgasit ho mevelien.

Izaia 59:1

Setu, dorn an AOTROU n'eo ket re verr evit saveteiñ, nag e skouarn re bounner evit klevout.

Izaia 59:2

Met ho tireizhder eo en deus lakaet an disrann etrezoc'h-c'hwi hag ho Toue, ho pec'hedoù eo a ra dezhañ kuzhat e zremm evit n'ho klevfe ken.

Jeremiaz 3:16

Pa ho po kresket ha liesaet war an douar, en deizioù-se, eme an AOTROU, ne vo ken komzet eus arc'h emglev an AOTROU. Ne zistroio ken d'ar soñj, ne vo ken meneget, ne vo ken gweladennet, ne vo ket adc'hraet.

Jeremiaz 7:4

Na fiziit ket e komzoù touellus, en ur lavarout: Amañ eo templ an AOTROU, templ an AOTROU, templ an AOTROU!

Niveroù 10:33

Mont a rejont kuit eus menez an AOTROU evit un hent a dri devezh; arc'h emglev an AOTROU a yae a-raok dezho, oc'h ober an hent a dri devezh evit kavout ul lec'h diskuizh.

Niveroù 10:35

Pa'z ae an arc'h kuit, Moizez a lavare: Sav, AOTROU! Ra vo da enebourien stlabezet! Ra dec'ho ar re a gasa ac'hanout azirazout!

Niveroù 31:6

Moizez a gasas anezho d'ar brezel, mil dre veuriad, ha ganto Fineaz mab Eleazar an aberzhour, d'ar brezel gant an traoù santel hag an trompilhoù tregernus en e zaouarn.

Adlezenn 29:24

hag an holl bobloù a lavaro: Perak en deus an AOTROU graet evel-se d'ar vro-mañ? Perak taerded ar fulor bras-se?

Adlezenn 31:26

Kemerit levr al lezenn-mañ, lakait anezhañ e-kichen arc'h emglev an AOTROU ho Toue, hag e vo eno evel test a-enep dit,

2 Timote 3:5

o devo an diavaez a zoujañs-Doue met o devo dinac’het ar pezh a ra he nerzh. En em bella diouzh an dud-se.

Hebreed 9:4

eno e oa an aoter aour evit an ezañs hag arc’h an emglev holl c’holoet a aour, e-lec’h ma oa ul lestr aour hag ennañ ar mann, gwialenn Aaron he doa bleuniet ha taolennoù an emglev.

Jozue 4:7

neuze e respontot dezho: Doureier ar Jordan a voe rannet dirak arc'h emglev an AOTROU pa dremenas ar Jordan; doureier ar Jordan a voe rannet, hag ar vein-se a zo evit mibien Israel un eñvor da viken.

Jozue 6:6

Jozue mab Nun a c'halvas an aberzhourien hag a lavaras: Dougit arc'h an emglev, ha ra vo seizh aberzhour o tougen seizh shofar e korn tourz dirak arc'h an AOTROU .

Jozue 7:7

Jozue a lavaras: Siwazh! Aotrou AOTROU , perak ec'h eus lakaet ar bobl-mañ da dremen ar Jordan, evit hol lakaat etre daouarn an Amoreaned ha distrujañ ac'hanomp? Perak n'omp ket chomet en tu all d'ar Jordan?

Jozue 7:8

Siwazh! Aotrou, petra a lavarin goude m'en deus troet Israel e gein dirak e enebourien?

1 Pêr 3:21

Hag ar skeudenn a gement-se, ar vadeziant, nann an hini a lam kuit saotroù ar c’horf met ar c’hoant start eus ur goustiañs vat dirak Doue, a zeu d’hor saveteiñ bremañ dre adsavidigezh Jezuz-Krist a varv.

S. Jud 1:5

Hogen e fell din degas da soñj deoc’h ar pezh a anavezit dija, penaos an Aotrou, o vezañ saveteet ar bobl eus bro Ejipt, a zistrujas goude-se ar re n’o doa ket kredet,

1 Samuel 1:24

Adalek ma voe dizonet, e lakaas anezhañ da bignat ganti, hag e kemeras tri leue, un efa bleud hag ul lestrad gwin, hag e kasas anezhañ da di an AOTROU da Silo. Ar bugel a oa yaouank-kenañ c'hoazh.

1 Samuel 14:18

Saül a lavaras da Akija: Tosta arc'h Doue, rak arc'h Doue a oa en deiz-se gant mibien Israel.

1 Samuel 4:2

Ar Filistined en em renkas evit an emgann a-enep Israel. Hag e tarzhas an emgann, hag Israel a voe pilet gant ar Filistined, a lazhas war an emgannlec'h war-dro pevar mil den.