1 Samuel 27:1 - Bibl Koad 21: Ar Bibl e Brezhoneg evit ar Vretoned

¹ David a lavaras en e galon: Lazhet e vin un deiz bennak dre zorn Saül. N'eus netra gwelloc'h evidon eget mont da vro ar Filistined, evit ma tremeno Saül hep klask ac'hanon e douaroù Israel, hag evel-se e tec'hin eus e zorn.

1 Samuel 27:1 Referencias Cruzadas

1 Rouaned 12:26

Jeroboam a lavaras en e galon: Ar rouantelezh a c'hellfe bremañ distreiñ da di David.

1 Rouaned 12:28

Ar roue, o vezañ kemeret kuzul, a reas daou leue aour, hag a lavaras d'ar bobl: A-walc'h ez oc'h pignet da Jeruzalem, setu da zoueoù, o Israel, ar re o deus da lakaet da bignat eus bro Ejipt.

1 Rouaned 19:3

O welout kement-se, Elia a savas hag a yeas kuit evit saveteiñ e vuhez. Dont a reas da Veer-Sheba, a zo e Juda, hag e lezas eno e servijer.

2 Danevelloù 25:17

Goude bezañ dalc'het kuzul, Amazia roue Juda a gasas da gavout Joaz mab Joakaz, mab Jehu, roue Israel, da lavarout dezhañ: Deus, ma en em welimp a-dal!

Salmoù 116:11

Lavarout a raen em zrubuilh: Pep den a zo gaouiat.

Salmoù 55:7

Lavaret em eus: O! Piv a roio din divaskell ar goulm? Nijal a rin da gavout diskuizh,

Ermaeziadeg 14:12

Ha n'eo ket ar pezh a lavaremp dit en Ejipt: Lez ac'hanomp da servijañ an Ejipsianed, rak gwelloc'h eo deomp servijañ an Ejipsianed eget mervel er gouelec'h?

Krennlavarioù 13:12

An esperañs daleet a laka ar galon da langisañ, met ar c'hoant sevenet a zo evel ur wezenn a vuhez.

Izaia 51:12

Me eo, me eo an hini a frealz ac'hanoc'h. Piv out-te evit kaout aon rak un den marvel, rak ur mab-den a zeuio da vezañ evel geot?

Niveroù 14:3

Perak en deus renet an AOTROU ac'hanomp etrezek ar vro-se, evit kouezhañ eno dre ar c'hleze? Hor gwragez hag hor bugale vihan a vo ur preizh enni! Ha ne vefe ket gwelloc'h deomp distreiñ d'an Ejipt?

Mazhev 14:31

Raktal Jezuz, oc’h astenn e zorn, a grogas ennañ hag a lavaras dezhañ: Den a nebeut a feiz, perak ac’h eus diskredet?

Sant Marc 4:40

Neuze e lavaras dezho: Perak hoc’h eus aon? Penaos n’hoc’h eus ket a feiz?

2 Korintiz 7:5

Rak abaoe ma’z on deuet e Makedonia, hor c’hig n’en deus bet diskuizh ebet, met glac’haret omp bet e pep doare, dre stourmoù en diavaez hag aon en diabarzh.

1 Samuel 16:1

An AOTROU a lavaras da Samuel: Betek pegeit e ri kañv da Saül, pa em eus e daolet kuit evel roue war Israel? Leugn da gorn gant eoul ha kae. Me a gaso ac'hanout da gavout Jese eus Betlehem, rak gwelet em eus unan e vibien evel roue evidon.

1 Samuel 16:13

Neuze Samuel a gemeras ar c'horn eoul hag a olevas anezhañ e-touez e vreudeur. Hag adalek an deiz-se e krogas Spered an AOTROU en David. Ha Samuel a savas hag a yeas da Rama.

1 Samuel 20:3

David a douas c'hoazh o lavarout: A-dra-sur e oar da dad em eus kavet trugarez dirak da zaoulagad, hag en devo lavaret: Ra ne ouio ket Jonatan kement-mañ, gant aon na vefe glac'haret. Met an AOTROU a zo bev ha da ene a zo bev, ur c'hammed 'zo etrezon-me hag ar marv.

1 Samuel 22:5

Ar profed Gad a lavaras da Zavid: Na chom ket er c'hreñvlec'h, tec'h ha kae da vro Juda. David a yeas eta, hag e teuas e koadeg Hered.

1 Samuel 23:17

hag e lavaras dezhañ: Na'z pez ket aon, rak dorn Saül va zad ne gavo ket ac'hanout, met ren a ri war Israel, hag e vin an eil war da lerc'h. Saül va zad a oar kement-se ivez.

1 Samuel 25:30

P'en devo graet an AOTROU da'm aotrou an holl vad en deus lavaret diwar da benn, ha p'en devo da lakaet rener war Israel,

1 Samuel 26:19

Ha bremañ, ra selaouo va aotrou roue komzoù e servijer. Mard eo an AOTROU a vount ac'hanout a-enep din, ra vo da zonezon plijus dezhañ, met mard eo an dud, ra vint milliget dirak an AOTROU , rak va c'haset o deus kuit hiziv, evit ma ne c'hellin ket bezañ staget ouzh hêrezh an AOTROU , en ur lavarout: Kae ha servij doueoù estren.

1 Samuel 29:2

Priñsed ar Filistined a gerzhas gant o c'hantoù ha gant o milieroù. David hag e dud a gerzhe er gward-adreñv gant Akish.

1 Samuel 29:3

Pennoù ar Filistined a lavaras: Petra a ra an Hebreed-se amañ? Hag Akish a respontas da bennoù ar Filistined: Ha n'eo ket David, servijer Saül roue Israel, a zo bet ganin deizioù 'zo, pe bloavezhioù 'zo? Ne'm eus kavet netra fall ennañ, abaoe an deiz m'eo deuet ganeomp betek hiziv.