1 Samuel 12:2 - Bibl Koad 21: Ar Bibl e Brezhoneg evit ar Vretoned

² He bremañ setu ar roue a gerzh a-raok deoc'h. Evidon-me, me a zo kozh, gwenn eo va fenn, ha setu, va mibien a zo ganeoc'h. Kerzhet em eus a-raok ac'hanoc'h adalek va yaouankiz betek hiziv.

1 Samuel 12:2 Referencias Cruzadas

Salmoù 71:18

Zoken betek ar gozhni, betek ar gozhni wenn, o Doue, na'm dilez ket, ken na'm bo embannet nerzh da vrec'h d'ar rummad-mañ, da c'halloud d'an holl re a vo ganet,

Niveroù 27:17

a yelo er-maez dirazo hag a zeuio e-barzh dirazo, a lakaio anezho da vont ha da zont, evit na vo ket bodadenn an AOTROU evel deñved hep mesaer.

2 Timote 4:6

Rak me a ya da vezañ aberzhet hag amzer va disparti a dosta.

Jozue 23:1

Pell amzer goude m'en doa roet an AOTROU diskuizh da Israel eus e holl enebourien a oa en-dro dezhañ, Jozue a oa kozh hag oadet bras,

Jozue 23:2

ha Jozue a c'halvas holl Israel, e henaourien, e bennoù, e varnerien, e ofiserien, hag e lavaras: Me a zo deuet da vezañ kozh hag oadet bras.

2 Pêr 1:14

o c’houzout penaos e kuitain prest va zabernakl, evel ma en deus an Aotrou Jezuz-Krist roet din da anavezout.

1 Samuel 2:22

Eli a oa gwall gozh, hag e klevas kement holl a rae e vibien da holl Israel, ha penaos e kouskent gant ar maouezed en em zastume ouzh dor teltenn an engalv.

1 Samuel 2:29

Perak hoc'h eus pellaet gant taolioù-treid va aberzh ha va donezon am eus gourc'hemennet d'ober em chomlec'h? Hag ec'h eus enoret da vibien muioc'h egedon, evit en em lardañ gant ar gwellañ eus donezonoù Israel va fobl?

1 Samuel 3:10

An AOTROU a zeuas hag en em zalc'has eno, hag e c'halvas evel bewech: Samuel, Samuel! Ha Samuel a lavaras: Komz, rak da servijer a selaou.

1 Samuel 3:13

Rak e aliet em eus ez aen da gastizañ e di da viken, en abeg d'an direizhder a anavez, rak e vibien a zo en em lakaet euzhus, hep m'en deus o gourdrouzet.

1 Samuel 3:16

Met Eli a c'halvas Samuel o lavarout: Samuel, va mab! Respont a reas: Setu-me amañ!

1 Samuel 8:1

Pa voe deuet Samuel da vezañ kozh, e lakaas e vibien da varnerien war Israel.

1 Samuel 8:20

hag e vimp, ni ivez, evel an holl bobloù. Hor roue hor barno, hag a yelo a-raok deomp, hag hor reno d'ar brezelioù.

1 Samuel 8:3

Met e vibien ne gerzhent ket war e hent, ha treiñ a raent diwarnañ evit klask ar gounid, hag e tegemerent donezonoù, hag e wallsient ar gwir.

1 Samuel 8:5

Lavarout a rejont dezhañ: Setu, deuet out da vezañ kozh, ha da vibien ne gerzhont ket war da hent. Bremañ laka warnomp ur roue evit hor barn, evel m'o deus an holl vroadoù.