1 Samuel 1:3 - Bibl Koad 21: Ar Bibl e Brezhoneg evit ar Vretoned

³ Ha bep bloaz, an den-mañ a bigne eus e gêr evit azeuliñ AOTROU an armeoù hag aberzhiñ dezhañ e Silo. Daou vab Eli, Hofni ha Fineaz a oa eno aberzhourien an AOTROU .

1 Samuel 1:3 Referencias Cruzadas

Salmoù 78:60

Dilezel a reas tabernakl Silo, an deltenn en doa savet e-touez an dud.

Ermaeziadeg 23:14

Teir gwech ar bloaz e lidi ur gouel din.

Ermaeziadeg 23:17

Teir gwech ar bloaz da holl baotred en em ziskouezo dirak an AOTROU Doue.

Ermaeziadeg 34:23

Teir gwech ar bloaz en em ziskouezo an holl wazed ac'hanoc'h dirak an Aotrou, an AOTROU Doue Israel.

Sant Lucas 2:41

E dud a yae bep bloaz da Jeruzalem da c’houel ar Pask.

Adlezenn 16:16

Teir gwech er bloaz, pep gwaz ac'hanoc'h en em gavo dirak an AOTROU ho Toue, el lec'h dibabet gantañ, da ouel ar bara hep goell, da ouel ar sizhunioù ha da ouel al logelloù, ha n'en em ziskouezo ket er c'houllo dirak an AOTROU.

Jozue 18:1

Holl vodadenn mibien Israel en em zastumas e Silo, hag e lakajont eno teltenn an engalv. Ar vro a oa bet mestroniet ganto.

Ar Varnerien 18:31

Lakaat a rejont evito ar skeudenn gizellet en doa graet Mika, e-keit ha ma voe ti Doue e Silo.

Ar Varnerien 21:19

Hag e lavarjont: Setu, bez' ez eus bep bloaz ur gouel d'an AOTROU e Silo, ouzh hanternoz Betel, er sav-heol eus an hent a bign eus Betel da Sichem, hag e kreisteiz Lebona.

1 Samuel 1:21

Elkana he gwaz a bignas gant e holl diegezh evit kinnig d'an AOTROU an aberzh-bloaz hag e ouestl.

1 Samuel 1:9

Goude bezañ debret hag evet e Silo, Anna a savas. Eli an aberzhour a oa azezet war e gador e-kichen unan eus peulioù templ an AOTROU .

1 Samuel 14:3

Akija mab Akitub, breur Ikabod mab Fineaz, mab Eli, aberzhour an AOTROU e Silo, a zouge an efod. Ar bobl ne ouie ket e oa aet kuit Jonatan.

1 Samuel 2:19

E vamm a rae dezhañ ur vantell vihan a zegase dezhañ bep bloaz, pa bigne gant he gwaz evit kinnig an aberzh-bloaz.

1 Samuel 2:34

Hag ar pezh a c'hoarvezo gant da zaou vab, Hofni ha Fineaz, a servijo da arouez dit: mervel a raint o-daou d'an hevelep deiz.

1 Samuel 3:13

Rak e aliet em eus ez aen da gastizañ e di da viken, en abeg d'an direizhder a anavez, rak e vibien a zo en em lakaet euzhus, hep m'en deus o gourdrouzet.

1 Samuel 4:11

Hag arc'h Doue a voe tapet, ha daou vab Eli, Hofni ha Fineaz, a varvas.

1 Samuel 4:4

Ar bobl a gasas eta da Silo, a-belec'h e voe degaset arc'h emglev AOTROU an armeoù, a zo o chom etre ar cherubined. Ha daou vab Eli, Hofni ha Fineaz, a oa eno gant arc'h emglev Doue.