1 Rouaned 9:15 - Bibl Koad 21: Ar Bibl e Brezhoneg evit ar Vretoned

¹⁵ Un aner a savas ar roue Salomon, evit sevel ti an AOTROU, e di, Milho, moger Jeruzalem, Hazor, Megiddo ha Gezer.

1 Rouaned 9:15 Referencias Cruzadas

2 Samuel 5:9

David a annezas er c’hreñvlec’h, a anvas ker David. Sevel a reas tro-dro dezhi adalek Milho betek an diabarzh.

1 Rouaned 11:27

Ha setu an abeg a reas dezhañ sevel e zorn a-enep ar roue: Salomon a save Milho hag a gloze toull-freuz kêr David e dad.

1 Rouaned 12:4

Da dad en deus lakaet warnomp ur yev pounner. Skañva bremañ kargoù kalet da dad hag ar yev pounner en deus lakaet warnomp, hag e servijimp ac'hanout.

1 Rouaned 3:1

Salomon a zeuas e kerentiezh Faraon roue an Ejipt. Kemer a reas merc'h Faraon da wreg, hag e tegasas anezhi da gêr David, ken n'en doe echu da sevel e di ha ti an AOTROU, kenkoulz hag ar voger en-dro da Jeruzalem.

1 Rouaned 4:12

Baana mab Akilud en doa Taanak ha Megiddo, hag holl vro Bet-Shean a zo etrezek Zartan, dindan Jizreel, adalek Bet-Shean betek Abel-Mehola ha betek an tu all da Jokmeam;

1 Rouaned 5:13

Ar roue Salomon a savas tud a aner en holl Israel, hag an aner-mañ a voe a dregont mil den.

1 Rouaned 6:38

hag en unnekvet bloaz, da viz Bul, a zo an eizhvet miz, an ti a voe echuet, gant e holl zalc'hoù hag hervez ma oa ret. Seizh vloaz a voe lakaet d'ober anezhañ.

1 Rouaned 9:10

A-benn ugent vloaz, e voe savet gant Salomon an daou di, ti an AOTROU ha ti ar roue.

1 Rouaned 9:21

o diskennidi a oa chomet war o lerc'h er vro, ha n'o deus ket gellet mibien Israel o lakaat da verz, Salomon a sujas anezho da anerioù hag o sklavelaas betek hiziv.

1 Rouaned 9:24

Merc'h Faraon a bignas eus kêr David d'he zi savet eviti. Hag e savas Milho.

2 Rouned 12:20

E servijerien, o vezañ en em savet, a rejont un irienn hag a skojont war Joaz e ti Milho, e traonienn Silla.

2 Rouned 15:29

En amzer Pekak roue Israel, Tiglad-Pilezer roue Asiria a zeuas hag a dapas Ijon, Abel-Bed-Maaka, Janoak, Kedesh, Hazor, Galaad, ar Galilea, hag holl vro Neftali, hag e harluas ar bobl da Asiria.

2 Rouned 9:27

Akazia roue Juda a welas kement-se, hag e tec'has dre hent ti al liorzh. Met Jehu a redas war e lerc'h hag a lavaras: Skoit warnañ ivez en e garr! Hag e c'hoarvezas kement-se e savenn Gur e-kichen Jibleam. Akazia a dec'has da Vegiddo, hag e varvas eno.

1 Danevelloù 20:4

Goude-se e voe ur brezel e Gezer a-enep ar Filistined. Sibbekai an Hushaiad a lazhas Sippai, unan eus mibien Rafa, hag e voent izelaet.

1 Danevelloù 6:67

Roet e voe dezho kêrioù-repuiñ Sichem gant he fabourzioù e menez Efraim, Gezer gant he fabourzioù,

2 Danevelloù 35:22

Met Jozia ne fellas ket dezhañ distreiñ dioutañ, hag en em zic'hizas evit stourm outañ. Ne selaouas ket komzoù Neko, a zeue eus genoù Doue. Dont a reas evit stourm e plaenenn Megiddo.

2 Danevelloù 8:1

Hag e c'hoarvezas, a-benn ugent vloaz, ma voe savet gant Salomon ti an AOTROU hag e di,

Salmoù 51:18

Rak ne gavez ket plijadur en aberzhoù, anez e rofen dit. Met al loskaberzhoù ne blijont ket dit.

Zakaria 12:11

En deiz-se e vo ur c'hañv bras e Jeruzalem, evel ma voe kañv Hadadrimmon e traonienn Megiddo.

Jozue 10:33

Neuze Horam roue Gezer a bignas da sikour Lakish. Jozue a skoas warnañ ha war e bobl, ha ne lezas den da dec'hout kuit.

Jozue 11:1

Pa glevas Jabin roue Hazor an traoù-mañ, e kasas da gavout Jobab roue Madon, roue Shimron, roue Akshaf,

Jozue 16:10

Hogen ne gasjont ket kuit ar Gananeiz a oa o chom e Gezer, hag ez eus bet Kananeiz o chom e-touez Efraim betek hiziv, o servijañ evel sklaved.

Jozue 16:3

hag e tiskenne war-zu ar c'huzh-heol da harz ar Jafletiz ha da harz Bet-Horon-Izel, ha betek Gezer, hag e tape ar mor.

Jozue 17:11

Manase en doa en Isakar hag en Aser: Bet-Shean gant he c'hêrioù, Jibleam gant he c'hêrioù, annezidi Dor gant he c'hêrioù, annezidi En-Dor gant he c'hêrioù, annezidi Taanak gant he c'hêrioù, annezidi Megiddo gant he c'hêrioù, tri c'horn-bro.

Jozue 19:36

Adama, Rama, Hazor,

Jozue 21:21

roet e voe dezho ar gêr-repuiñ evit ar vuntrerien Sichem gant he douaroù e menez Efraim, Gezer gant he douaroù,

Ar Varnerien 1:29

Efraim ne gasas ket kuit ar Gananeiz a oa o chom e Gezer, hag ez eus bet Kananeiz o chom en e douez betek hiziv.

Ar Varnerien 4:2

Setu perak an AOTROU a werzhas anezho etre daouarn Jabin roue Kanaan, a rene en Hazor. Penn e arme a oa Sisera, hag a oa o chom en Haroshed-Goim.

Ar Varnerien 5:19

Ar rouaned a zo deuet hag o deus brezelet. Rouaned Kanaan o deus brezelet e Taanak, e-kichen doureier Megiddo, met n'o deus degaset ganto na preizh na arc'hant.

Ar Varnerien 9:20

anez ra zeuio an tan eus Abimelek ha ra zevo pennoù Sichem ha ti Milho, ha ra zeuio an tan eus pennoù Sichem hag eus ti Milho ha ra zevo Abimelek!

Ar Varnerien 9:6

Holl bennoù Sichem en em zastumas, gant holl di Milho, hag e teujont da ober Abimilek roue, e-kichen an dervenn a oa e Sichem.