1 Rouaned 11:1 - Bibl Koad 21: Ar Bibl e Brezhoneg evit ar Vretoned

¹ Ar roue Salomon a garas kalz a vaouezed estren, ouzhpenn merc'h Faraon, Moabadezed, Ammonadezed, Edomadezed, Sidonadezed, Hititezed,

1 Rouaned 11:1 Referencias Cruzadas

1 Rouaned 11:8

Kement-se e reas evit e holl wragez estren, a lakae da vogediñ hag a aberzhe d'o doueoù.

1 Rouaned 14:21

Roboam mab Salomon a rene e Juda. Ur bloaz ha daou-ugent e oa Roboam pa zeuas da roue, hag e renas seitek vloaz e Jeruzalem, ar gêr en doa dibabet an AOTROU a-douez holl veuriadoù Israel, evit lakaat enni e anv. E vamm a oa anvet Naama an Ammonadez.

1 Rouaned 14:31

Ha Roboam a c'hourvezas gant e dadoù, hag e voe sebeliet e kêr David. E vamm a oa anvet Naama an Ammonadez. Hag Abijam e vab a renas en e lec'h.

1 Rouaned 16:31

Evel ma vije bet nebeut a dra dezhañ kerzhout e pec'hedoù Jeroboam mab Nebad, e kemeras da wreg Jezabel merc'h Etbaal, roue ar Sidoniz, hag ez eas da servijañ Baal ha da stouiñ dirazañ.

1 Rouaned 3:1

Salomon a zeuas e kerentiezh Faraon roue an Ejipt. Kemer a reas merc'h Faraon da wreg, hag e tegasas anezhi da gêr David, ken n'en doe echu da sevel e di ha ti an AOTROU, kenkoulz hag ar voger en-dro da Jeruzalem.

Ezdra 10:44

An holl re-se o doa kemeret gwragez estren, ha meur a hini o doa bet bugale eus ar gwragez-se.

Ezdra 9:1

Pa voe echuet an traoù-se, ar pennoù a dostaas ouzhin en ur lavarout: Pobl Israel, an aberzhourien hag al Levited n'int ket dispartiet diouzh pobloù ar broioù-mañ er pezh a sell ouzh o euzhusterioù, diouzh ar Gananeiz, an Hitited, ar Ferezianed, ar Jebuziz, an Ammoniz, ar Voabiz, an Ejipsianed hag an Amoreaned.

Ezdra 9:2

Rak kemeret o deus o merc'hed evito hag evit o mibien, hag ar ouenn santel a zo bet kemmesket gant pobloù ar broioù-mañ. Ha renerien ar bobl hag ar c'houarnourien a zo bet ar re gentañ oc'h ober ar pec'hed-se.

Ermaeziadeg 34:16

Ne gemeri eus e verc'hed evit da vibien, gant aon e verc'hed, oc'h en em reiñ d'ar gasterezh gant o doueoù, na lakaint da vibien d'en em reiñ d'ar gasterezh gant o doueoù.

Krennlavarioù 2:16

Dieubet e vi eus ar wreg estren, eus an diavaeziadez a luban gant he gerioù;

Krennlavarioù 22:14

Genoù an divaeziadezed a zo ur poull don, an hini disprizet gant an AOTROU a gouezho ennañ.

Krennlavarioù 23:33

Da zaoulagad a sello ouzh an diavaeziadezed, da galon a lavaro traoù fallakr,

Krennlavarioù 31:3

Na ro ket da nerzh d'ar merc'hed, na da hentoù d'ar re a goll ar rouaned.

Krennlavarioù 6:24

evit da ziwall diouzh ar vaouez fall, diouzh teod lubanus an diavaeziadez.

Krennlavarioù 7:5

evit ma tiwallint ac'hanout diouzh ar vaouez estren, an diavaeziadez a luban gant he gerioù.

Leviegezh 18:18

Ne gemeri ket ur wreg gant he c’hoar, evit kreskiñ ur gasoni o tizoleiñ he noazhder e-kichen da wreg e-pad he buhez.

Adlezenn 17:17

Ne vo ket dezhañ kennebeut un niver bras a wragez, gant aon na zeufe e galon d'en em zistreiñ, ha ne vo ket dezhañ kalz a arc'hant hag a aour.