1 Rouaned 1:31 - Bibl Koad 21: Ar Bibl e Brezhoneg evit ar Vretoned

³¹ Ha Bat-Sheba a stouas, he dremm d'an douar, hag a zaoublegas dirak ar roue, en ur lavarout: Ra vevo da viken ar roue David va aotrou!

1 Rouaned 1:31 Referencias Cruzadas

2 Samuel 9:6

Pa voe deuet Mefiboshed mab Jonatan, mab Saül, da gavout David, e kouezhas war e zremm, hag e stouas. David a lavaras: Mefiboshed! Hag e respontas: Da servijer!

1 Rouaned 1:25

Rak diskennet eo hiziv, lazhet en deus ejened, leueoù lart ha deñved e-leizh, ha pedet en deus holl vibien ar roue, pennoù an arme, hag an aberzhour Abiatar. Ha setu, emaint e tebriñ hag oc'h evañ dirazañ, hag e lavaront: Ra vevo ar roue Adonija!

Nehemia 2:3

hag e respontis d'ar roue: Ra vevo ar roue da viken! Penaos ne vefe ket trist va dremm, pa chom kêr, lec'h bezioù va zadoù, gwastet, he dorojoù devet dre an tan?

Ester 3:2

Holl servijerien ar roue a oa ouzh dor ar roue a blege hag a stoue dirak Haman, rak ar roue en doa gourc'hemennet-se en e geñver. Met Mardoke ne blege ket ha ne stoue ket dirazañ.

Daniel 2:4

Ar Galdeiz a lavaras d'ar roue en aramaeg: O roue, ra vevi da viken! Lavar an huñvre da'z servijerien, hag e tiskuilhimp dit an disklêriadenn.

Daniel 3:9

Komz a rejont ouzh ar roue Nebukadnezar, o lavarout: O roue, ra vevi da viken!

Daniel 5:10

Ar rouanez a zeuas e sal ar fest en abeg da gomzoù ar roue hag ar re vras. Ar rouanez a gomzas o lavarout: O roue, ra vevi da viken! Ra ne vi ket trubuilhet gant da soñjoù, ha ra ne vo ket kemmet da zremm.

Daniel 6:21

Daniel a lavaras d'ar roue: O roue, ra vevi da viken!

Daniel 6:6

Neuze ar vinistred hag ar satraped a vodadas etrezek ar roue hag a gomzas evel-se: Roue Dariuz , ra vevi da viken!

Mazhev 21:37

Da ziwezhañ, e kasas dezho e vab, o lavarout: Doujañ a raint va mab.

Efeziz 5:33

Evel-se, ra garo pep hini ac’hanoc’h e wreg eveltañ e-unan ha ra zoujo ar wreg hec’h ozhac’h.

Hebreed 12:9

A-hend-all hon tadoù hervez ar c’hig o deus hor c’hastizet hag hon eus o enoret, ha ne sentimp ket muioc’h ouzh Tad ar speredoù evit kaout ar vuhez?

1 Samuel 20:41

Ar paotr a yeas kuit. David a savas ouzh tu ar c'hreisteiz hag en em daolas, e zremm d'an douar, hag e stouas teir gwech. Goude e pokjont an eil d'egile hag e oueljont o-daou, ha zoken David a ouelas gwall galz.

1 Samuel 24:8

Goude-se David a savas hag a yeas er-maez eus ar c'hev, hag e krias war-lerc'h Saül o lavarout: Va aotrou ha va roue! Saül a sellas en a-dreñv: David a gouezhas, e zremm d'an douar, hag a stouas.