1 Pêr 3:3 - Bibl Koad 21: Ar Bibl e Brezhoneg evit ar Vretoned

³ Ra ne vo ket ho kempennadurezh hini an diavaez, blev rodellaouet, bragerizoù aour pe dilhad peurgempenn,

Testamant Nevez 1897 (Jenkins)

³ Diwallit ne vez hoc’h ornedigez an hini a‐ziaveaz, en ho pleo pentet, pe en hoc’h ornamanchou aour, pe er feçon d’en em viska,

1 Pêr 3:3 Referencias Cruzadas

Geneliezh 24:22

P'o doe echuet ar c'hañvaled da evañ, an den a gemeras ur walenn-aour a boueze ur beka ha div dro-vrec'h evit he daouarn a boueze dek sikl aour.

Geneliezh 24:47

Goulennoù am eus graet diouti, o lavarout: Da biv ez out merc'h? Respontet he deus din: Merc'h da Vetuel on, ar mab a c'hanas Milka da Nakor. Neuze em eus lakaet ar walenn war he fri hag an troioù-brec'h ouzh he daouarn.

Geneliezh 24:53

Ar servijer a dennas traoù arc'hant, traoù aour ha dilhad, hag o roas da Rebeka. Reiñ a reas ivez traoù prizius d'he breur ha d'he mamm.

2 Rouned 9:30

Jehu a zeuas da Jizreel. Jezabel, o vezañ klevet kement-se, a livas he dremm hag a ginklas he fenn, hag en em lakaas ouzh ar prenestr.

Ester 5:1

D'an trede deiz Ester a wiskas he dilhad rouanez hag en em zalc'has e leurenn an diabarzh eus ti ar roue, a oa dirak ti ar roue. Ar roue a oa azezet war dron e rouantelezh, en ti roueel, e-tal dor an ti.

Salmoù 45:9

Ar mir, an aloez hag ar c'hasia a ro c'hwezh-vat da'z tilhad. Er palezioù olifant, c'hoari ar binvioù-kerdin a laouena ac'hanout.

Ermaeziadeg 3:22

Pep gwreg a c'houlenno digant hec'h amezegez ha digant ostizez he zi listri arc'hant hag aour, ha dilhad a lakaiot war ho mibien ha war ho merc'hed, hag e tibourc'hot an Ejipsianed.

Ermaeziadeg 32:2

Aaron a respontas: Tennit al lagadennoù aour a zo e divskouarn ho kwragez, ho mibien hag ho merc'hed, ha degasit anezho din.

Ermaeziadeg 33:4

Pa glevas ar bobl ar c'homzoù drouk-se, e tougas kañv ha den ne lakaas e vragerizoù warnañ.

Ermaeziadeg 35:22

Ar wazed a zeuas gant ar gwragez. Ar re holl a oa a galon vat a zegasas kelc'hioù-brec'h, lagadennoù, gwalinier, kelc'hennoù, pep seurt traoù kaer en aour; pep hini a ginnigas ur prof aour bennak d'an AOTROU .

Ermaeziadeg 38:8

Ober a reas al laouer arem gant he foñs arem, gant melezourioù ar merc'hed a servije, a rae ar servij ouzh digor teltenn an engalv.

Izaia 52:1

Dihun! Dihun! Gwisk da nerzh, Sion! Gwisk dilhad da c'hloar, Jeruzalem kêr santel! Rak hiviziken ned aio ket ennout ar re ziamdroc'h hag ar re zic'hlan.

Izaia 61:10

Laouenaat kalz a rin en AOTROU, va ene a drido em Doue, rak va gwisket en deus gant dilhad ar silvidigezh, ha va goloet gant mantell ar reizhder, evel ma en em fich ur pried gant e gurunenn, hag en em gempenn ur plac'h nevez gant he bravigoù.

Jeremiaz 2:32

Ar werc'hez, hag ec'h ankounac'hafe he dilhad kaer, hag ar wreg yaouank he braveri? Va fobl he deus ankounac'haet ac'hanon e-pad deizioù diniver.

Jeremiaz 4:30

Ha te, an hini zistrujet, petra a ri? Petra bennak ma wiskez ruz-moug, ma en em ginklez gant bragerizoù aour, ma vordez da zaoulagad gant livadur, en aner eo en em gaeraez, da amourouzien a zispriz ac'hanout, da vuhez eo a glaskont.

Ezekiel 23:40

Hag ouzhpenn-se, kaset o deus da gerc'hat tud o tont eus ur vro bell, kaset o deus kannaded dezho, ha setu, deuet int. Evito ec'h eus en em walc'het, livet da zremm ha kinklet gant bragerizoù,

Romaned 12:2

N’en em blegit ket d’ar c’hantved-mañ, met bezit cheñchet dre nevezidigezh ho klevidigezh, evit ma’c’h anavezot ez eo bolontez Doue mat, plijus ha peurvat.

1 Pêr 3:2

pa welint ho kundu glan ha doujañsus.