Nthi 9:8 - ÎVUKU RÎA ÛVORO MWARO

⁸ Kwoguo ndûkarute mûndû mwîtîi mavîtia, nîûndû nîagaakûmena. Nwatî ruta mûndû mûûgî mavîtia, nake nîagaakwenda.

Nthi 9:8 Referencias Cruzadas

1Atha 1:23

Mûrathi Nathani nîwatonyire na akîmama na îvu aturumithîtie ûthiû wake nthî vau mbere ya mûthamaki.

1Atha 1:32

Mûthamaki Daudi nîwacokire agîtûmanîre Zadoku mûthînjîri-Ngai, Nathani mûrathi, na Benaia wa Jehoiada. Nao nîmaathiîre kûrî ke.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Nthi 1:5

Andû arîa aûgî wanao nîmaithikagîrîrie nîguo mongerere ûûgî, na andû arîa marî na ûmenyo magîcage na wara,

Nthi 10:8

Andû arîa marî ûûgî wa ngoro nîmavingagia maathani, nwatî andû arîa maragia ûrimû mecûkangagia o ene.

Nthi 13:1

Mwana mûûgî nîathikagîrîria rîrîa agûtaarwa nî îthe, nwatî mûndû mwîtîi ndathikagîrîria rîrîa akûrutwa mavîtia.

Nthi 13:18

Ûthîni na gîconoko inyitaga mûndû ûrîa ûregaga kîrîra. Mûndû ûrîa ûthikagîrîria akîrutwa mavîtia nî atîîagwa.

Nthi 15:12

Andû arîa etîi matiendaga kûrutwa mavîtia; matiûragia ûtaaro kûrî andû arîa aûgî kûrî o.

Nthi 19:25

Ûngîverithia mûndû mwîtîi, mûndû ûrîa mûritu nîagîcaga na ûûgî, ûngîruta mûndû mûûgî mavîtia nîagîcaga na ûmenyo.

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Nthi 23:9

Ndûkaarie maûndû ma ûûgî kûrî kîrimû, nîûndû gîkaanyarara ûûgî wa ciugo ciaku.

Nthi 28:23

Ûngîruta ûrîa wîngî mavîtia vandû va kûmûnyûrûria, vuvarî nîakenaga.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Isaia 36:21

Nwatî andû maakirire ki, na matiamûcokeria wanarî ûndû, nîûndû maathîtwe nî mûthamaki atîrî, “Mûtikamûcokerie.”

Alawi 19:17

“Mûtikamenane na andû arîa engî, nwatî îgucanagani nîguo mûtikevie.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 7:6

“Tigagani kûva ngui kîndû kîrîa kîtheru nîûndû nwa imûgarûrûke na ikamûtharîkîra. Na mûtigaikagîrie ngûrwe indo cienyu cia goro, nîûndû mweka ûguo indo icio nwa ikinyangwe nî ngûrwe.