Nthi 8:21 - ÎVUKU RÎA ÛVORO MWARO

²¹ Nîmvecanaga ûtonga kûrî arîa mamendete, na ngecûria makûmbî mao na indo cia goro.

Nthi 8:21 Referencias Cruzadas

Kîam 15:14

Nwatî nie nîngaaverithia mavûrûri marîa makaamatua ngombo. Makiuma vûrûrirî ûcio mûgeni, nîmagaakuua ûtonga mwîngî.

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Nthi 1:13

Nîtûkegwatîra indo cionthe cia goro, twîcûrie nyomba cietû indo irîa tûtavîte.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Nthi 15:6

Andû arîa athingu nîmaigaga ûtonga wao, nwatî indo cia andû arîa aganu nîithiraga rîrîa thîna yaûka.

Nthi 21:20

Mûciî wa mûndû mûûgî wîthagîrwa ûrî na indo cia goro, nwatî mûndû mûritu atûmagîra indo ciake naaî ikathira.

Nthi 24:4

Ûmenyo nîguo ûtûmaga mûciî wîcûre indo cionthe cia goro na mbaro.

Nthi 6:31

Nwatî angînyitwa, nwanginya arîve indo icio aîîte maita mûgwanja, ke akaanenganîra indo cionthe irîa arî nacio.

Nthi 8:18

Nînie mvecanaga ûtonga na gîtîîo, ûtonga ûrîa ûtathiraga na ûthiî wa na mbere.

Nthi 8:20

Ndûûraga na njîra ya ûthingu, nûmagîrîra njîra cia kîvooto.

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.

1Pet 1:4

kwoguo nîtwetagîrîra kûgwata îgai rîrîa Ngai aigîrîte andû ake. Îgai rîrîa amwigîrîte îgûrû kûrîa rîtangîora, rîtangîgia na gîko na rîtangîthira.

Kûguû 21:7

Mûndû wa wonthe ûkavootana nîakaamûkîra maûndû mama kuuma kûrî nie. Nie nîngaatuîka Ngai wake, nake atuîke mwana wakwa.

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.