Nthi 8:15 - ÎVUKU RÎA ÛVORO MWARO

¹⁵ Nîmvotithagia athamaki kwathana, na nîmvotithagia atongoria gûtunga watho ûrîa mwagîrîru.

Nthi 8:15 Referencias Cruzadas

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

1Atha 5:7

Rîrîa Hiramu eegwire ndûmîrîri ya Solomoni nîwakenire mûno na akiuga atîrî, “Ngai-Mûnene arogoocwa ûmûnthî nîûndû wa kûva Daudi mûvîcî ûrî na ûûgî nîguo atuîke mûthamaki wa vûrûri ûcio mûnene ûguo vuva wake!”

1Maû 28:5

Ngai-Mûnene nîwamvere anake eengî na gatagatîrî kao onthe nîwathuurire Solomoni ekarîre gîtî Kîam ûthamaki wa Ngai-Mûnene nîguo athamakîre Isiraeli.

2Maû 1:10

Kwoguo mva ûûgî na ûmenyo nîguo mvotaga gûtongoria andû aya na njîra îrîa yagîrîrîte, nîûndû gûtirî mûndû ûngîtongoria andû aya engî ûguo atarî na ûtethio waku.”

2Maû 1:11

Nake Ngai nîwacokerie Solomoni atîrî, “Nîwathuura ûndû ûrîa wagîrîrîte, nîûndû ndûnetie indo, ûtonga, gîtîîo, mîoyo ya nthû ciaku, kana ûria gûtûûra mîaka mîîngî nwatî, wetia ûûgî na ûmenyo nîguo ûvotage kwatha andû arîa nîragûtwire mûthamaki wao.

Thaburi 2:10

Kwoguo mue athamaki, tuîkani andû aûgî; mue atongoria a nthî, thikîrîriani ûrîa mûrakaanua:

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Nthi 29:4

Rîrîa mûthamaki aratûmîra kîvooto, vûrûri nîwîkindagîria, nwatî mûthamaki ûrîa wîciragia wa ûvoro wa mbeca nîacûkangagia vûrûri wake.

Nthi 8:16

Nîmvotithagia athani kwathana, wana anene arîa matongoragia andû gûkû nthî.

Isaia 1:26

Nîngaamûcokeria atucanîri ciira ta arîa a mbere, na andû a kûmûtaara wata arîa mwarî nao Kîammbîrîriarî. Vuva wa ûguo Jerusalemu nîgaacoka gwîtwa, ‘Îtûûra rîa Ûthingu,’ ‘Îtûûra Rîvokeku.’ ”

Jeremia 33:15

Mîthenya îo na îvinda rîu, nîngatûma kûgîe na mûndû mûthingu kuuma rûciaro rwa Daudi atuîke mûthamaki; nake nîakaathana na ûûma na kîvooto gûkû nthî.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Aroma 13:1

Nwanginya mûndû wa wonthe athîkagîre andû arîa mathanaga. Nîûndû wathani wonthe uumaga kûrî Ngai na arîa mathanaga mavecagwa ûvoti nî Ngai.

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 9:17

Vîndî îrîa Samueli oonire Saûlo, Ngai-Mûnene nîwamwîrire atîrî, “Ûyû nîke mûndûmûrûme ûrîa nie naakwîrire ûvoro wake. Ke nîke ûgaatuîka mûthamaki wa andû akwa.”