Nthi 8:11 - ÎVUKU RÎA ÛVORO MWARO

¹¹ “Ûûgî nî mwaro gûkîra mathaga, na kîndû wa kîonthe ûngîîrirîria, gûtirî kîngîringithanua naguo.

Nthi 8:11 Referencias Cruzadas

Thaburi 119:103

Kaî nî mbîgucaga ciugo ciaku irî na mûrîo-î, irî mûrîo gûkîra ûûkî.

Thaburi 119:127

Nie nîmendete mawatho maku gûkîra thaavu, gûkîra thaavu ntheru.

Thaburi 119:72

Watho ûrîa wamvere, kûrî nie nî mwaro mûno gûkîra thaavu na sîlûva cionthe.

Thaburi 19:10

Nî makwendeka mûno gûkîra thaavu ntheri, marî mûrîo gûkîra ûûkî ûrîa mûtheru mûno.

Nthi 16:16

Kûgîa na ûûgî nî waro gûkîra kûgîa na thaavu, nîkava kûthuura ûtaûku gûkîra sîlûva.

Nthi 20:15

Kûrî thaavu na mathiga ma goro meengî, nwatî ciugo cia ûûgî irî goro makîria.

Nthi 31:10

Mûndûmûka mwaro angiuma kû, arî goro gûkîra mathaga.

Mûvunjia 7:11

Ûûgî ûrî umithio ta mûndû agaîte kîndû, arîa onthe marî mwoyo nîmagîrîrwe nî kûgîa naguo.

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Gûco 30:13

Wana matirî mûringo wa îria atî nwa mûrie, nû ûkûringa îria nîguo amûgîrîre mo nîguo mûmegue na mûmathîkîre.