Nthi 6:29 - ÎVUKU RÎA ÛVORO MWARO

²⁹ Ûguo nîguo gwîkaraga kûrî mûndû ûrîa ûtharagia na mûka wene; mûndû wa wonthe wîkaga ûguo nîakaaverithua.

Nthi 6:29 Referencias Cruzadas

Kîam 20:2

Arî kûu nîwaugire atî mûka Sara aarî mwarwang'ina. Kwoguo Abimeleki mûthamaki wa Gerari nîwaugire avirîrwe Sara.

2Sam 11:27

Rîrîa îvinda rîa macakaya rîathirire, Daudi nîwatûmanire Bathisheba agîrûe na avirwe kwa Daudi mûciî. Bathisheba nîwatuîkire mûndûmûka wa Daudi na nîwamûciarîre kavîcî. Nwatî Ngai-Mûnene ndaakenua nî ûguo Daudi eekîte.

2Sam 16:21

Nake Ahithofeli nîwacokirie atîrî, “Thiîni kûrîa aka akwiga arîa aguo aatigire nîguo mekaragie mûciî na mûmenyane nao kîîmwîrî. Mweka ûguo andû onthe a Isiraeli nîmakûmenya atî ûrî nthû ya aguo, nao andû arîa marî mwena waku nîmakûmîrîria mûno.”

Ntha 20:17

“Ndûkerirîrie nyomba ya mûndû wîngî, wana kana wîrirîrie mûka. Ndûkerirîrie ndungata ya mûndû wîngî, ya mûndûmûrûme kana ya mûndûmûka, kana ndegwa yake kana mvunda yake kana kîndû gîake kîonthe.”

Nthi 16:5

Ngai-Mûnene nîathûrîte andû onthe arîa etîi, nama, andû acio nwanginya makaaverithua.

Nthi 6:28

Mûndû nwa athiîrîre îgûrû rîa makara marî na mwaki na ndavîe magûrû?

Ezek 18:6

wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Ezek 22:11

Amwe nîmekaga maûndû ma waga nthoni na aka a andû arîa mariganîtie nao, na engî mageka maûndû ma ûtharia na aka a avîcî ao. Andû engî gatagatîrî kenyu nîmekaga maûndû ma ûtharia na aa mwarwang'ina.

Ezek 33:26

Mwîvokaga indo cienyu cia mbaara, na mûgeka maûndû marîa marî mûgiro. Arûme mekaga maûndû ma ûtharia na aka a andû arîa mariganîtie nao. Mûreciria nwa mûvewe vûrûri ûyû ûtuîke wenyu?

Alawi 18:20

Mûtikamenyane kîîmwîrî na mûka wa mûndû wîngî; ûndû ûcio nwa ûtûme we wîthîrwe ûtarî mûtheru.

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

1Akor 7:1

Nie nîngwaria ûvoro wîgiî maûndû marîa mue mwamandîkîre. Nîkwagîrîrîte mûndûmûrûme ndakavikanie.