Nthi 6:26 - ÎVUKU RÎA ÛVORO MWARO

²⁶ Mûmaraa nwa arîvwe na thogora wa thaani ya irio, nwatî kûtharia na mûndûmûka wene, gûtûmaga mûndû aûrwe nî indo ciake cionthe.

Nthi 6:26 Referencias Cruzadas

Kîam 39:14

nîwetire ndungata ciake irîa ciamûtungataga kûu nyomba na agîciîra atîrî, “Taroriani! Tûrareterwe Mûhibirania nî mûthuuri wakwa na nîaratûconorithia. Atonyire gwakwa nyomba ageria kûnyita na vinya nîguo amenyane nanie kîîmwîrî, nwatî nauga mbu na vinya mûno.

Kîam 39:7

Vuvarî, mûka wa mwathi wake nîwambîrîrie kûmwîrirîria na akîmwîra mamame nake.

Nthi 23:28

Ekaraga etererete ta mûcunani, na nîatûmaga arûme eengî methîrwe matarî evokeku.

Nthi 29:3

Mûndû ûrîa wendete ûûgî nîatûmaga îthe akene, nwatî mûndû ûrîa ûnyitanagîra na maraa atûmagîra mbeca ciake na ûrimû.

Nthi 29:8

Andû arîa aritu matûmaga îtûûra rîakane mwaki, nwatî andû arîa aûgî nî mathiragia marakara.

Nthi 5:10

Nao ageni nîmagooca ûtonga waku wonthe, na indo irîa ûthithinîrîte ikaathiî na mûgeni.

Nthi 5:9

Weka ûguo, ûkathiria gîtîîo kîrîa andû makûveete, na ûtûûro waku ûthûkue nî arîa matarî ntha.

Nthi 6:27

Mûndû nwa akuue mwaki aigîrîrîte kîthûrirî gîake na nguo ciake irege kûvîa?

Nthi 7:23

nginya îkarathîrwa vo na mûguî ûgatûrîkania nginya mararî; wata ûrîa gîconi kîvinyûraga mûtegorî wa rîmwe; mwanake ûcio ndaamenyaga atî nwa ate mwoyo wake.

Ezek 13:18

na ûmere Ngai-Mûnene augîte atî, ‘Mûrî na thîna, mue aka arîa mûtumaga ithitû cia kwîyova njara nî andû onthe na itambaa cia andû a mîthemba yonthe, araca wana arîa akuvî cia gwîkunîka ciongo nîguo mûvote kûnyitithia mîoyo ya andû. Anga nîkûvîta mûvîtaga mîoyo ya andû akwa nîguo mwîvonokie mue ene?

Ezek 13:8

Kwoguo Ngai-Mûnene amerîte atîrî, “Nîûndû cioneki cienyu tî cia ma na nîmwarîtie maûndû ma maveeni, nie nîndeganîte namue.

Luka 15:30

Nwatî mûvîcîguo anangîte indo cionthe ciaku marî na maraa, na acoka mûciî wamûthînjîra karegwa karîa kanoru!’

1Sam 2:36

Nake mûndû wa wonthe wa rûciaro rwaku ûrîa ûgaatigara nîakaathiî kûrî mûthînjîri-Ngai ûcio na akavoya mûthînjîri-Ngai ûcio mbeca kana irio na nîakaathaithanaga akiugaga etîkîrue atethagîrîrie athînjîri-Ngai, nîguo oonage kîndû gîa kûrîa.”