Nthi 6:17 - ÎVUKU RÎA ÛVORO MWARO

¹⁷ varî mwîtîîo, rûrîmî rwaragia maveeni, njara irîa ciûragaga andû matarî na mavîtia,

Nthi 6:17 Referencias Cruzadas

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Thaburi 101:5

Nîngaacûkangia mûndû ûrîa ûkaaguta mûndû ûrîa wîngî, ndigeekarania na mûndû mwîtîi na mwaganu.

Thaburi 131:1

We Ngai-Mûnene, nie ndiîgathaga na ndiîtîîaga. Ndirûmbûyanagia na maûndû marîa manene, kana maûndû marîa ndangîvota gwîka.

Thaburi 18:27

Nîûvonokagia andû arîa menyivagia, nwatî nîûturithagia kîene andû arîa etîi.

Thaburi 31:18

Kiria andû arîa maveenanagia, andû arîa etîi na aganu, arîa manyararaga andû arîa athingu.

Thaburi 5:6

We nîûcûkangagia andû arîa maveenanagia, na nîûreganaga na aûragani na arîa mataragia ûma.

Thaburi 5:7

Nwatî nîûndû wa wendo waku ûtathiraga, nwa ndonye nyombarî yaku, ngûgooce nîrî hekarûrî yaku ntheru, na ngakwînamîrîra na gîtîîo.

Nthi 1:11

Mangîkwîra atîrî, “Ûka tûthiî tûkethithîre andû tûmaûrage, tûthiî tûkovere andû matarî na mavîtia gûtarî na gîtûmi!

Nthi 1:16

Nîûndû mavinyûragîra gwîka maûndû marîa macûku, na methagîrwa marî na karûgî ga kûûragana.

Nthi 12:22

Ngai-Mûnene nîathûrîte andû arîa mavenanagia, nwatî nîakenagua nî arîa evokeku.

Nthi 14:5

Mûira mwîvokeku vîndî cionthe aragîa ûvoro wa ma, nwatî mûira ûtarî mwîvokeku aragia maveeni matheri.

Nthi 16:5

Ngai-Mûnene nîathûrîte andû onthe arîa etîi, nama, andû acio nwanginya makaaverithua.

Nthi 17:7

Andû arîa ave gîtîîo mativeenanagia, na irimû itiaragia ûndû wa vata.

Nthi 21:4

Mwîtîîo, na mwîgatho nîcio itongoragia andû arîa aganu, na ûcio nî wîvia.

Nthi 26:28

Mûndû ûrîa ûveenagia mûndû ûrîa wîngî nîamûmenete, na mîario ya kînyûrûri nî ya gûcûkangia.

Nthi 28:17

Mûndû ûrîa ûraganîte atûûraga aûrûraga nginya rîrîa agaakua, mûndû ta ûcio ndagîrîrwe nî gûtethua.

Nthi 30:13

Kûrî andû meyonaga marî aro mûno, na kaî nîmeyonaga marî aro î!

Nthi 6:16

Kûrî na maûndû matandatû marîa Ngai-Mûnene amenete, Ii nî mûgwanja marîa marî mûgiro kûrî ke:

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 3:16

Ngai-Mûnene augîte atîrî, “Aka a Zayuni marî mwîtîîo, mathiîcaga maûkîrîrîtie ciongo makîîroraroragia, makinyûkagia na mwîcaaro, makîgambagia njang'iri magûrû.

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Gûco 19:10

Mûgeeka ûguo nîguo mûndû ûrîa ûtekîte ûndû mûcûku ndakaûragîrwe vûrûrirî wenyu ûrîa Ngai-Mûnene Ngai wenyu akûmûva rîrî îgai rîenyu, na mûtikethîrwe mûrî na mavîtia ma kûûraga mûndû ûtarî na mavîtia.

Gûco 27:25

“ ‘Kûnyitwa nî kîrumi nî mûndû ûrîa wamûkagîra mbeca nîguo aûrage mûndû ûtarî na mavîtia.’ “Nao andû onthe nîmakaauga, ‘Ameni!’

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.