Nthi 6:14 - ÎVUKU RÎA ÛVORO MWARO

¹⁴ Nîûndû ke arî ngoro ya kûvîtithia andû, avangaga maûndû marîa macûku, ambagîrîria thîna kûndû kuonthe.

Nthi 6:14 Referencias Cruzadas

Thaburi 140:2

Meciragia maûndû macûku ngororî ciao vîndî cionthe, na mambagîrîria mbaara vîndî cionthe.

Thaburi 140:3

Nîmî ciao nî njûku ta njoka; ciugo ciao ciîkariî ta ûrogi wa kîmvuva.

Thaburi 36:4

Rîrîa amamîte avangaga gwîka maûndû marîa macûku, gûtirî ûndû mwaro ekaga, na ndareganaga na ûndû wa wonthe wa waganu.

Nthi 14:22

Andû arîa mavangaga gwîka maûndû macûku nî mavîtagia. Arîa mavangaga gwîka maûndû maro nî mavecagwa gîtîîo na makevokwa nî andû.

Nthi 16:27

Mûndû ûrîa mûcûku avangaga wa maûndû marîa macûku, ciugo ciake ivîvagia ta mwaki.

Nthi 17:20

Mûndû ûrîa wîciragia maûndû macûku ndathatûkagwa, na mûndû ûrîa waragia maveeni nîagûcaga thînarî.

Nthi 2:14

nîmakenaga rîrîa magwîka maûndû marîa macûku, na magakenagîrîra maûndû ma waganu marîa mavîtithagia andû,

Nthi 21:8

Mîthiîre ya andû arîa evia tî mîrûngarû, nwatî mîtugo ya andû arîa evokeku nî mîrûngarû.

Nthi 22:8

Mûndû ûrîa ûtarûmagîrîra kîvooto nîanyitagwa nî thîna, na kûvinyanîrîria gwake nîgûkinyaga mûthiia.

Nthi 24:8

Mûndû ûrîa ûvangaga gwîka maûndû macûku, ageetagwa mûtonyereri wa maûndû ma andû arîa engî.

Nthi 3:29

Ndûkavange gwîka mûndû ûrîa mûriganîtie nake ûndû mûcûku, atûûraga vakuvî nawe akwîvokete.

Nthi 3:32

Nîûndû Ngai-Mûnene nîathûrîte mûndû ûrîa mwaganu, nwatî nîatucaga mûndû ûrîa mwîvokeku mûrata wake.

Isaia 32:7

Mîthiîre ya mûndû ûrîa mûthunu nî mîcûku; avangaga maûndû ma waganu nîguo acûkangie athîni na ciugo ciake cia maveeni, wana rîrîa athîni maretia kîrîa kîmagîrîrîte.

Isaia 57:20

Nwatî andû arîa aganu mekariî ta îria rîgikia ndiivû, rîrîa rîtangîvoorera; makûmbî ma manjî ma rîo maikagia ndaka na gîko ndeererî ciarîo.

Ezek 11:2

Ngai-Mûnene nîwambîrire atîrî, “Mûndû, aya nîo andû arîa mavangaga maûndû macûku na mavecanaga kîrîra gîcûku îtûûrarî rîîrî.

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

Mika 2:1

Andû arîa mavangaga maûndû macûku kaî marî na thîna-î, mararaga matarî toro magîciria maûndû macûku! Gwakîa kîraûko mathiîcaga gwîka ûndû ûcio, nîûndû marî na vinya.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.