Nthi 4:4 - ÎVUKU RÎA ÛVORO MWARO

⁴ vava nîwanthomithagia akambîra atîrî, “Igaga na kinyi maûndû marîa nîrakûthomithia ngororî yaku; vingagia maathani makwa, na nîûgûtûûra mwoyo.

Nthi 4:4 Referencias Cruzadas

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 119:144

Matuîro maku ma ciira methagîrwa vîndî cionthe marî ma kîvooto; mva ûtaûku nîguo ndûûre mwoyo.

Thaburi 119:168

Nî mvingagia matuîro maku ma ciira na mataaro maku, nîûndû we nîwicî mîthiîre yakwa yonthe.

Nthi 22:6

Thomithia mwana njîra îrîa agîrîrwe nî kûthiîra, na wana akûra ndakaariganîrwa nîyo.

Nthi 23:26

Mwana wakwa, nthikîrîria, na ûrûmîrîre mîthiîre yakwa.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Nthi 3:2

Nîûndû nîmagaatûma mîthenya yaku yongerereke, na ûtûûre mîaka mîîngî ûrî mûthatûke.

Nthi 7:2

Rûmagîrîra maathani makwa nîguo ûtûûre mwoyo, mamenyagîrîre ta ûrîa ûmenyagîrîra ndongu ya ritho.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Jeremia 38:20

Jeremia nîwacokirie atîrî, “Ndûkanenganîrwa kûrî o. Athîkîra mûgambo wa Ngai-Mûnene, wata ûrîa nîrakwîra, na maûndû maku nîmagûtuîka maro na ûvonokie mwoyo waku.

Johana 12:50

Na nîmbîcî atî maathani make nîmatûmaga andû magîe na mwoyo wa tene na tene. Kwoguo ûndû wa wonthe mbugaga nî ûrîa Vava ethagîrwa ambîrîte mbuge.”

Aefeso 6:4

Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 6:6

Mûtikariganîrwe nî maathani mama ngûmûva ûmûnthî.

2Tim 1:5

Nîndirikanaga wîtîkio waku ûrîa ûtarî ûvinga. Wîtîkio wata ûyû nîguo warî na ûcûguo Loisi na nyûkwe Eunîci. Nîrî nama atî wîna wîtîkio wata ûcio wao.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

Atir 13:12

Manoa nîwaûririe mûndû ûcio atîrî, “Rîrîa ciugo ciaku ikaavinga-î, mûtûûrîre wa kaana kau ûkethîrwa ûrî wa mûthemba ûrîkû, na gakaaruta wîra ûrîkû?”