Nthi 4:13 - ÎVUKU RÎA ÛVORO MWARO

¹³ Rûmagîrîra kîrîra, na ndûgatigane nakîo; kîvingagie na kinyi, nîûndû nîkîo ûtûûro waku.

Nthi 4:13 Referencias Cruzadas

Kîam 32:26

Nake mûndû ûcio nîwerire Jakovu atîrî, “Tiga nthiî nîûndû kûthiîte gûkîa.” Nake Jakovu nîwamûcokerie atîrî, “Ndingîkûrekereria ûthiî ûtandathimîte.”

Nthi 10:17

Mûndû ûrîa wîtîkagîra ûtaaro nîatûûraga waro, nwatî mûndû ûrîa ûreganaga na ûtaaro ethagîrwa arî njîrarî ya kûûra.

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Nthi 3:18

Ûûgî nîta mûtî wa mwoyo kûrî arîa magîcaga naguo, arîa megwatîrîte guo na kinyi marî gîkeno.

Nthi 3:22

Nacio nîigaakûva mwoyo, na ikûgemie ta mathaga marî ngingorî yaku.

Nthi 6:23

Nîûndû maathani mekariî ta taa, na kîrîra gîkariî ta ûtheri, gûkaanua na mîtugo mîaro nîcio itûmaga mûndû agîe na ûtûûro mwaro.

Nthi 8:35

Andû arîa manjaragia na makamona nîmagîcaga na ûtûûro mûraca, na Ngai-Mûnene nîakenagua nî o.

Mûvunjia 7:12

Kûgitîrwa nî ûûgî nîta kûgitîrwa nî mbia. Umithio wa ûmenyo nî atî ûûgî nîûgitagîra mûndû ûrîa ûrî naguo.

Rwîmbo rwa Nyîmbo 3:4

Narîkia kûmatiga wa rîo, nînoonire mwendwa wakwa. Nînaamûkumbatîrie na ndingîamûrekererie, nginya rîrîa namûvirire nyombarî kwa nyanya, kanyombarî karîa naaciarîrwe.

Johana 6:63

Roho wa Ngai nîke ûvecanaga mwoyo. Mwîrî ndûvecanaga mwoyo. Ciugo icio namwîra nîcio itûmaga mûgîe na Roho wa Ngai ûrîa ûvecanaga mwoyo.

Johana 6:68

Nake Simoni Petero nîwamûcokerie atîrî, “Mwathani tûngîgûtiga tûkathiî kûrî û? We ûrî na ciugo cia mwoyo wa tene na tene.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 2:42

Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Gûco 32:47

Nîûndû tî ciugo ntheri irî mawathorî mama, nwatî nî mûtûûrîre wenyu. Mathîkagîreni na nîmûgûtûûra vîndî ndaca vûrûrirî ûrîa mûthiîte kwîgwatîra mûringo wa rûnjî rwa Jorodani.”

1Ath 5:21

Tuîragiani maûndû monthe; menyagîrîrani maûndû marîa maro,

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.