Nthi 30:9 - ÎVUKU RÎA ÛVORO MWARO

⁹ nîguo ndikavae ngûkaane, na mbûrie atîrî, “Ngai-Mûnene nîke û?” Kana nthîne na nthiî ngaîe njonorithie rîîtwa rîaku.

Nthi 30:9 Referencias Cruzadas

Thaburi 125:3

Arîa aganu matigûtûûra mathanaga vûrûri wa arîa athingu; nîguo arîa athingu matikagucîrîrue gwîka naaî.

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Ntha 5:2

Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Nthi 29:24

Mûndû ûrîa ûnyitanagîra na mwîi acûkangagia ûtûûro wake ke mwene, nîegucaga irumi cia ûrîa ûrarumwa, na ndetîkagîra kumbûra.

Isaia 59:13

Nîtûreganîte nawe na tûgagûkaana we Ngai-Mûnene, tûgagûtiganîria na tûkarega gûkûrûmîrîra we Ngai wetû. Twaragia ûvoro wa gûkinyanîrîria na gûkanîrîra, ngoro cietû ciîciragia na ikaria ciugo cia maveeni.

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Jeremia 5:12

Andû a Isiraeli na Juda nîmaregete Ngai-Mûnene, na makauga atî: “Gûtirî ûndû angîka; tûtingîgwatwa nî ûndû mûcûku, na tûtikethîrwa na yûra kana mbaara.

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Hosea 13:6

Nwatî rîrîa mwarîre mûkîvaa, nîmwambîrîrie gwîtîîa, nginya mûkîriganîrwa nînie.

Alawi 5:1

Ethîrwa mûndû wa wonthe nîetîtwe akavecane ûira îgootirî na arege kûvecana ûvoro wîgiî ûndû ûrîa onete kana eguîte, nwanginya akaaverithua nîûndû wa mavîtia make.

Mathaayo 26:72

Nake Petero nîwakaanire rîngî akiuga atîrî, “Nîraria ma na Ngai nî mûira atî nie ndiîcî mûndû ûcio!”

Mathaayo 26:74

Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!” Na kavinda wa kau ngûkû nîyagambire.

Gûco 31:20

Nîngaamavira vûrûri wîcûrîte îriia na ûûkî, ûrîa nerîîre methe mao na mwîvîtwa atî nîngaamava. Nîmakaarîa kîrîa kîonthe makaavatara na matûûre makenete. Nwatî nîmakaagarûrûka na magooce ngai ciîngî na maitungatîre. Nîmakaaregana nanie na maune kîrîkanîro kîrîa naarûthire nao.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Josh 24:27

Joshua nîwerire andû onthe atîrî, “Taroriani, îthiga rîîrî nîrîegua maûndû monthe marîa Ngai-Mûnene atwîra. Kwoguo rîgatuîkaga ûira kûrî mue wa kûmûgiria mûregana na Ngai.”