Nthi 30:5 - ÎVUKU RÎA ÛVORO MWARO

⁵ Maûndû monthe marîa Ngai aragia nî ma ma; ke nî ngo kûrî andû arîa mathiîcaga kûrî ke nîguo amagitîre.

Nthi 30:5 Referencias Cruzadas

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

2Sam 22:31

Ciîko cia Ngai ûyû nî nginyanîru, nacio ciîranîro ciake nî cia kwîvokeka! Nîke ngo ya arîa onthe macaragia ûtethio wake.

Thaburi 119:140

Kîîranîro gîaku nî Kîam ma viû! Nanie ndungata yaku nînîkîendete.

Thaburi 12:6

Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja.

Thaburi 144:2

Nî mûrata wakwa wa kwîvokeka na mûgitîri wakwa, nîangitagîra na akamvonokia, nîke ngo yakwa na nîîthithaga varî ke, nîavootaga mavûrûri na akamaiga rungu rwakwa.

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 18:30

Ngai ûyû njîra ciake nî nginyanîru, Ciîranîro cia Ngai-Mûnene nî cia ma! Ke nî ngo kûrî arîa onthe macaragia ûgitîri kûrî ke.

Thaburi 18:31

Ngai-Mûnene wenga tu, nîke Ngai, Ngai wenga tu, nîke ûtûgitagîra.

Thaburi 19:8

Mawatho ma Ngai-Mûnene nî ma ma, na arîa mamavingagia methagîrwa marî akenu. Maathani ma Ngai-Mûnene nî matheru, na nî mathomithagia mûndû.

Thaburi 3:3

Nwatî we Ngai-Mûnene, nîwe ûngitagîra kuuma ûgwatirî, ûmvecaga ûvootani na ûkambîkîra ûcamba.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Thaburi 91:2

nîakaamwîra atîrî, “We Ngai-Mûnene mbûragîra kûrî we na nîwe ûngitagîra; Ngai wakwa ûrîa nîîvokaga.”

Nthi 2:7

Ngai-Mûnene nîagaagîra andû arîa athingu mûthithû wa ûûgî; nîagitagîra arîa marî mîthiîre mîkinyanîru.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Aroma 7:12

Kwoguo, watho guo mwene nî mûtheru na rîathani nî rîtheru, rîrî kîvooto na nî rîaro.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.