Nthi 30:12 - ÎVUKU RÎA ÛVORO MWARO

¹² Kûrî andû meyonaga marî atheru nwatî methagîrwa matarî atheru.

Nthi 30:12 Referencias Cruzadas

Ayubu 33:9

We wauga atî nîrî mûtheru, na ndirî na mavîtia, nîrî mûtheru, na ndirî na mevia.

Thaburi 36:2

Nîûndû nîeciragia ûvoro wa ûrîa arî mwaro mûno, Ngai ndangîmenya mevia make na amûverithie.

Thaburi 51:2

Nthambia waganu wakwa wonthe, ûnthambie mevia makwa!

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Nthi 16:2

Mûndû onaga ciîko ciake cionthe irî mbaro, nwatî Ngai-Mûnene atuîragia ngoro ya mûndû.

Nthi 21:2

Mûndû onaga mîthiîre yake yonthe îrî mîagîrîru, nwatî Ngai-Mûnene athimaga ngoro.

Isaia 1:16

Îîthambieni, îîtherieni; tigani gwîka maûndû macûku marîa monaga mûgîka. Tigani gwîka maûndû macûku,

Isaia 65:5

Meraga andû arîa engî atîrî, ‘Mûtigatûkuvîvîrie; tue tûrî atheru kûmûkîra, mûtigatûvutie!’ Andû ta acio ndingîmakirîrîria, marakara makwa kûrî o mekariî ta mwaki ûrîa ûtavoraga.

Jeremia 2:35

we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Hosea 12:9

Nînie Ngai-Mûnene Ngai wenyu, ûrîa wakûrutire Misiri ûkomborî! nîngatûma mûcoke gûtûûraga magemarî rîngî, wa ta ûrîa mwîkaga mwaka wa mwaka vîndî ya kîrugo gîa tûnyomba.

Zakaria 13:1

Ngai-Mûnene augîte atîrî, “Vîndî îrîa kavinda kau gagaakinya, karûnjî nîgakaavingûrwa ga kûthambia nyomba ya Daudi na andû arîa matûûraga Jerusalemu mevia mao na maûndû mao marîa macûku.

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Luka 18:11

“Mûfarisai nîwarûngamire vandû arî wenga na akîvoya na ngoro atîrî, ‘Ngai nîragûcokeria ngatho nîûndû nie ndiîkariî ta andû arîa engî methagîrwa marî akoroku, aganu na andû arîa mavûûraga ûmaraa. Nîragûcokeria ngatho nîûndû nie ndiîkariî ta mwîtia ûrîa wa mbeca cia gooti.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.

Tito 3:5

nîwatûvonokirie. Tûtiavonokirue nîûndû wa ûrîa twekîte ciîko mbaro, nwatî nîûndû wa ntha ciake. Aatûvonokirie na njîra ya Roho Mûtheru ûrîa watûtheririe, agîtûciara rîngî na agîtûva mwoyo mûcerû.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Atir 17:13

Mika nîwacokire akîîra na ngoro atîrî, “Rîu nîmbicî atî Ngai-Mûnene nîakûmbîka maûndû maro, nîûndû nîrî na Mûlawi arî mûthînjîri-Ngai wakwa.”

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.