Nthi 3:33 - ÎVUKU RÎA ÛVORO MWARO

³³ Kîrumi Kîam Ngai-Mûnene nîkînyitaga mîciî ya andû arîa aganu, nwatî nîarathimaga mîciî ya andû arîa athingu.

Nthi 3:33 Referencias Cruzadas

2Sam 6:11

Îthandûkû rîa Kîrîkanîro nîrîekarire mûciî kwa Obedi-edomu îtîîna rîa mîeri îthatû, na Ngai-Mûnene nîwarathimire Obedi-edomu vamwe na andû onthe a mûciî wake.

Ayubu 24:18

Nwatî mugaga atîrî, “Andû arîa aganu makuuagwa na îvenya nî mwîcûro wa manjî, mîgûnda yao îthagîrwa îrî mîrume nî Ngai, matithiîcaga kûruta wîra mîgûndarî yao ya mîthavibu.

Ayubu 31:12

Wîvia ûcio ûvana ta mwaki ûrîa ûvîvagia ûkathiria, na nwa ûvîvie indo cionthe ciakwa.

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 37:22

Andû arîa arathime nî Ngai-Mûnene nîmakagaa nthî, nwatî arîa arume nîke nîmakaathirua.

Thaburi 91:10

Kwoguo gûtirî ûndû mûcûku ûgaakûnyita, gûtirî mûthiro ûgaakuvîvîria nyomba yaku.

Nthi 10:6

Andû arîa athingu nîmarathimagwa, nwatî ciugo cia andû arîa aganu ithithagîrîra waganu.

Nthi 14:11

Mûciî wa mûndû mwaganu nîûkomomorwa, nwatî mûciî wa mûndû mwagîrîru nîûgîcaga vinya.

Nthi 15:6

Andû arîa athingu nîmaigaga ûtonga wao, nwatî indo cia andû arîa aganu nîithiraga rîrîa thîna yaûka.

Nthi 21:12

Ngai nîonaga ûrîa mîciî ya andû aganu îkariî, na nîakaamathiria.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Gûco 11:28

Mwarega kwathîkîra maathani ma Ngai-Mûnene Ngai wenyu, na mûgooce ngai ciîngî irîa mûtaaicî mbere, nîmûkaaverithua.

Gûco 7:26

Mûtikavire ngai icio cia mûvuanano mîciîrî yenyu, nîguo mûtikarumwe ta cio. Nwanginya mûmene na mûnyarare ngai icio cia mîvuanano, nîûndû nî nume nî Ngai-Mûnene.

Josh 6:18

Mûtigakuue indo irîa ciagîrîrwe gûcûkangua, nîûndû mwaikuua nîmûkûrete thîna kûrîa andû a Isiraeli mambîte magema na mûtûme gûcûkangue.

Josh 7:13

Ûkîra ûtherie andû aku na ûmere metherie nîûndû rûyû nie Ngai-Mûnene, Ngai wa Isiraeli nîngwenda gûkameera atî, ‘Gatagatîrî kenyu kûrî na indo imwe irîa naamwîrire mûgacûkangie. Mûtingîîtirîria kûrî nthû cienyu nginya rîrîa mûkaaruta indo icio gatagatî kenyu.’