Nthi 3:10 - ÎVUKU RÎA ÛVORO MWARO

¹⁰ Weka ûguo, makûmbî maku nîmagecûra maketha, na mîtûngi yaku îcûre na yune ndivei ya kûvivwa warîo.

Nthi 3:10 Referencias Cruzadas

2Maû 31:10

Nake Azaria, mûnene wa athînjîri-Ngai ûrîa warî wa kuuma nyomba ya Zadoku nîwacokerie Hezekia atîrî, “Kuuma vîndî îrîa andû maambîrîrie kûreta matega mao hekarûrî, twîthîrîtwe tûrî na irio mbîganu cia kûrîa na igatigara nyîngî nîûndû Ngai-Mûnene nîmûrathimu andû ake. Kîu nîkîo gîtûmîte twîthîrwa tûrî na indo ino nyîngî ûguo itigarîte.”

2Maû 31:21

Wîra wa wonthe ûrîa mûthamaki Hezekia aarutaga hekarûrî wîgiî kûrûmîrîra watho na maathani ma Ngai, aaûrutaga arî na wîvokeku na nîwavoyaga Ngai wake na akaruta wîra na ngoro yake yonthe. Kwoguo nîwekindîrie.

Thaburi 144:13

Makûmbî metû maroîcûra irio cia mîthemba yonthe; ng'ondu cietû irociara tûgondu ngiri makûmi meengî.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 22:9

Mûndû mûtana nîarathimagwa, nîûndû nîagaanaga irio ciake na athîni.

Joeli 2:24

Vandû va kûvûrîra vakethîrwa vecûrîte ngano; kîvivîro nîgîgeecûra ndivei na maguta.

Hagai 2:19

Wana ethîrwa gûtirî na ngano makûmbîrî, mîthavibu, mîkûyû, mîkûngûmanga, na mîtî ya mîtamaiyû tî mîciaru, kuuma rîu nîngûmûrathima.”

Mathaayo 10:42

Nîramwîra na ma atî mûndû wa wonthe ûvecaga ûmwe wa aya anini gîkombe Kîam manjî ma mvevo ma kûnyua nîûndû nî arutwa akwa, nîakaavewa kîveo.”

Gûco 14:29

Irio ino nî cia Alawi nîûndû matiagaîrwa kûndû gwa gûtûûra gatagatîrî kenyu, ageni, ciana cia ndigwa, na aka a ndigwa arîa matûûraga matûûrarî menyu, nîguo monage gîa kûrîa makavaa. Mwîkage ûguo nîguo Ngai-Mûnene Ngai wenyu amûrathimage na akarathima wîra wenyu.

Gûco 28:8

“Ngai-Mûnene Ngai wenyu nîakaarathima mawîra menyu monthe, na atûme makûmbî menyu mecûre irio, acoke atûme mwîngîve mûrî vûrûrirî ûrîa akûmûva.