Nthi 29:8 - ÎVUKU RÎA ÛVORO MWARO

⁸ Andû arîa aritu matûmaga îtûûra rîakane mwaki, nwatî andû arîa aûgî nî mathiragia marakara.

Nthi 29:8 Referencias Cruzadas

Nthi 11:11

Îtûûra nîrîtuîkaga rîa vata nîûndû wa irathimo cia andû arîa athingu, nwatî mîario ya andû arîa aganu nîîtûmaga îtûûra rîcûke.

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Nthi 16:14

Marakara ma mûthamaki nwa matûme mûndû akue, na mûndû mûûgî nîageragia kûmathiria.

Nthi 29:9

Rîrîa mûndû mûûgî agûcira na mûndû mûritu, mûndû ûcio mûritu arumanaga na akatheka atagûtigithîrîria.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Ezek 22:30

Naacaririe mûndû gatagatîrî kao ûrîa ûngîtuma rûthingo na arûngame mbere yakwa vandûrî va andû a vûrûri nîguo ndikamacûkangie, nwatî ndianona wanarî ûmwe.

Ndari 16:48

Na rîrîa aarûngamire gatagatî ka andû arîa maarî mwoyo na arîa akuû, mûthiro nîwathirire.

Ndari 25:11

Finehasi, mûvîcî wa Eliazaru wa Aroni mûthînjîri-Ngai, nîwathiria marakara makwa kûrî andû a Isiraeli. Finehasi nîwareganire na ûvoro wa kûgooca ngai îngî tiga nie. Kîu nîkîo kîgiririe njûkangia andû a Isiraeli onthe narakara.