Nthi 29:10 - ÎVUKU RÎA ÛVORO MWARO

¹⁰ Aûragani mathûrîte andû arîa evokeku, nwatî andû arîa athingu magitagîra ûtûûro wao.

Nthi 29:10 Referencias Cruzadas

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

2Maû 18:7

Nake Ahabu nîwamûcokerie atîrî, “Kûrî na wîngî ûmwe wîtagwa Mikaia mûvîcî wa Imula. Nwatî nîrî mûmûthûru nîûndû ndandathagîra maûndû maro tiga wa marîa macûku.” Nake Jehoshafati nîwamwîrire atîrî, “Mûthamaki ndwagîrîrwe nî kuga ûguo.”

Thaburi 59:2

Mvonokia kuuma kûrî andû acio aganu; mvonokia kuuma kûrî aûragani acio!

Nthi 13:19

Mûndû nîakenaga rîrîa anyita kîrîa erîgîrîrîte; nwatî andû arîa aritu nîmaregaga gûtiga maûndû marîa macûku.

Nthi 29:27

Andû arîa athingu nî mathûrîte arîa aganu, nao andû arîa aganu nî mathûrîte arîa athingu.

Nthi 29:9

Rîrîa mûndû mûûgî agûcira na mûndû mûritu, mûndû ûcio mûritu arumanaga na akatheka atagûtigithîrîria.

Jeremia 18:20

Ûndû mwaro nîûrîvagwa na ûndû mûcûku? Nwatî o maramînjîra îrima ngwe, ririkana ûrîa narûngamire mbere yaku ngîkwîra ûrîa marî aro, nîguo ûthirie marakara maku kûrî o.

Jeremia 38:13

Nao nîmaagucirie Jeremia na mîkanda na makîmûruta kûu kîrikorî Kîam manjî. Nîmacokire makîmûcokia kanyombarî ka arangîri.

Jeremia 38:7

Nwatî Ebedimeleku, ûrîa warî ngaramba kuuma Ethiopia na wekaraga nyomba kwa mûthamaki nîweguire atî nîmaikîtie Jeremia kîrikorî Kîam manjî kîrî na ndaka. Vîndî îo mûthamaki ekarîte kîvingorî Kîam Benjamini.

Luka 23:34

Nake Jesû nîwaugire atîrî, “Ngai Vava, movere nîûndû matiîcî ûrîa mareka.” Nao nîmaaûthîre nguo cia Jesû nîguo mamenye ûrîa makûigaana.

Johana 5:34

Nie ndivatarîte ûira kuuma kûrî mûndû wana ûrîkû, nwatî nauga ûguo nîguo mûvonokue.

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

Aroma 10:1

Ariû na aarî a îthe wetû, wendi wa ngoro yakwa yonthe na mavoya makwa kûrî Ngai nî atî, andû etû mavonoke.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.